പാലക്കാട്:മീൻ പിടിക്കാൻ പോയ യുവാവിനെ പാലക്കാട്ട് തോട്ടിൽ മരിച്ച നിലയിൽ കണ്ടെത്തി. തിരുമിറ്റക്കോട് മേഖലയിലെ അമേരിക്കപ്പടി തോട്ടിലാണ് അപകടം ഉണ്ടായത്. നെല്ലിക്കാട്ടിരി മൈലാഞ്ചിക്കാട് സ്വദേശിയായ പള്ളത്ത്പടി സുരേഷ്  ആണ് മരിച്ചത്.

പ്രാഥമിക നിഗമനമനുസരിച്ച്, തോട്ടിന് മുകളിലുള്ള പാലത്തിൽ നിന്ന് മീൻ പിടിക്കവെ അബദ്ധവശാൽ താഴെ വീണ് അപകടം സംഭവിച്ചതായാണ് സൂചന. വീഴ്ചയിൽ അദ്ദേഹത്തിന് തലയിലും തോളിലും ഗുരുതരമായി പരുക്കേറ്റിരുന്നു. വിവരം ലഭിച്ചതോടെ ചാലിശ്ശേരി പൊലീസ് സ്ഥലത്തെത്തി അന്വേഷണം ആരംഭിച്ചു. മൃതദേഹം തൃശൂർ മെഡിക്കൽ കോളേജ് ആശുപത്രിയിലേക്ക് പോസ്റ്റ്മോർട്ടത്തിനായി മാറ്റി.

ജില്ലയിൽ കനത്ത മഴ; വീടുകൾക്കും റോഡുകൾക്കും തകർച്ച

പാലക്കാട് ജില്ലയിൽ ശക്തമായ മഴ വ്യാപക നാശനഷ്ടം വിതച്ചു.അട്ടപ്പാടി 

അബനൂർ: പാറ ഉരുണ്ടുവീണ് നിർമാണത്തിലിരുന്ന വീടിന്റെ അടുക്കള ഭാഗം തകർന്നതിൽ രണ്ട് പേർക്ക് പരിക്ക് പറ്റി.

പടലിക്കാട്: കനത്ത മഴയിൽ വീട് പൂർണമായി തകർന്നു.വീട്ടുക്കാർ ശബ്ദം കേട്ട് പുലർച്ചെ പുറത്തേക്ക് ഓടിയതോടെ വലിയ അപകടം ഒഴിവായി.

മാറനട്ടി: വിനോദ് കുമാറിന്റെ വീടിന് മുകളിലേക്ക് മണ്ണിടിഞ്ഞു വീണു.

തേൻകുറിശ്ശി: ചന്ദ്രികയുടെ വീട്ടിൽ മരം വീണ് ഒരു ഭാഗം തകർന്നു.

മട്ടത്തുപാടി: വൈദ്യുതി തൂൺ പൊട്ടി വീണതോടെ രണ്ട് വീടുകൾക്ക് നാശനഷ്ടം.

അട്ടപ്പാടി ധോണിഗുണ്ട് – കാരറ റോഡിന്റെ അപ്രോച്ച് റോഡ് ഒലിച്ചു പോയി.

ഒറ്റപ്പാലം കിഴക്കേത്തോട് പാലത്തിൽ മണ്ണിടിച്ചിൽ ഉണ്ടായതോടെ ഗതാഗതം ഭാഗികമായി തടസ്സപ്പെട്ടു.

മലയോര മേഖലകളിലും നഗരഭാഗങ്ങളിലുമുള്ള വിവിധയിടങ്ങളിൽ മരം വീഴ്ചയും വൈദ്യുതി തൂണുകൾ തകർന്നതുമൂലം ഗതാഗതം സാരമായി ബാധിച്ചു.

വെള്ളിയാങ്കല്ല് തടയണയിൽ ജലനിരപ്പ് ഉയർന്നതിനെ തുടർന്ന് പത്ത് ഷട്ടറുകൾ ഉയർത്തി.

ജില്ലയിൽ ദുരിതാശ്വാസ പ്രവർത്തനങ്ങൾ പുരോഗമിക്കുകയാണ്.

A young man from Palakkad, Suresh from Mailanchikkad, was found dead in a stream at Thirumittacode. He reportedly slipped and fell while fishing. Heavy rainfall across Palakkad caused widespread damage, including landslides, house collapses, and road blockages. Several families were affected, and authorities have begun relief efforts.