തിരുവനന്തപുരം: നിക്ഷേപകരെ കബളിപ്പിച്ച് 300 കോടി രൂപയിലധികം തട്ടിയെന്ന കേസിൽ ‘ദി ഫോർത്ത്’ ഓൺലൈൻ ചാനലിന്റെ ഉടമകളായ ഫാം ഫെഡ് കമ്പനി ചെയർമാൻ രാജേഷ് പിള്ള, മാനേജിംഗ് ഡയറക്ടർ അഖിൻ ഫ്രാൻസിസ് എന്നിവർ തിരുവനന്തപുരം മ്യൂസിയം പൊലീസ് കസ്റ്റഡിയിലെടത്തു. കമ്പനിയുമായി ബന്ധപ്പെട്ട മറ്റ് നാല് ഡയറക്ടർമാർക്കും കേസ് രജിസ്റ്റർ ചെയ്തിട്ടുണ്ട്.

കേസിന്റെ പശ്ചാത്തലം:

പ്രതികൾ സ്ഥാപിച്ച സതേൺ ഗ്രീൻ ഫാമിംഗ് ആൻഡ് മാർക്കറ്റിംഗ് കോ-ഓപ്പറേറ്റീവ് സൊസൈറ്റി (ഫാം ഫെഡ്) എന്ന സ്ഥാപനം, പിന്നീട് ‘ദി ഫോർത്ത്’ എന്ന പേരിൽ മാധ്യമ രംഗത്തേക്ക് വ്യാപിച്ചു. 2008-ൽ ആരംഭിച്ച ഈ കമ്പനി, നിക്ഷേപകരെ പന്ത്രണ്ടര ശതമാനം പലിശ വാഗ്ദാനം ചെയ്ത് ആകർഷിച്ചാണ് തട്ടിപ്പ് നടത്തിയത്. തുടക്കത്തിൽ കുറച്ചു തവണ ലാഭം വിതരണം ചെയ്തെങ്കിലും പിന്നീട് നിരന്തരം മുടങ്ങാൻ തുടങ്ങുകയായിരുന്നു.

കവടിയാർ സ്വദേശിനിയായ ഒരു നിക്ഷേപകയുടെ പരാതിയിലാണ് കേസിന്റെ തുടക്കം. രണ്ട് മാസം മുൻപ് കമ്പനി ഉടമകൾ പണം തിരികെ നൽകാമെന്ന് ഉറപ്പുനൽകിയെങ്കിലും വാഗ്ദാനം പാലിച്ചില്ല. ഇതോടെ നിരവധി നിക്ഷേപകർ പൊലീസിനെ സമീപിക്കുകയും കേസുകൾ രജിസ്റ്റർ ചെയ്യയ്യുകയും ചെയ്തു.

പോലീസ് അന്വേഷണത്തിൽ വ്യക്തമായത്:

നിക്ഷേപത്തിൽ പണം നേടിയശേഷം ഫാം ഫെഡ് മാസ് മീഡിയ രം​ഗത്തേക്ക് കടന്നിരുന്നു.

ചെന്നൈയിലാണ് കമ്പനി ഹെഡ്‌ക്വാർട്ടേഴ്സ്, കേരളത്തിൽ 16 ശാഖകൾ പ്രവർത്തിക്കുന്നു.

കേസിൽ മറ്റു പ്രതികളായി ധന്യ, ഷൈനി, പ്രിൻസി ഫ്രാൻസിസ്, മഹാവിഷ്ണു എന്നിവരും ഉൾപ്പെട്ടിട്ടുണ്ട്.

നിലവിലെ നടപടി:

പോലീസ് തട്ടിപ്പ് മാതൃകയും സാമ്പത്തിക ഇടപാടുകളും വിശദമായി അന്വേഷിക്കുന്നുണ്ട്. കൂടുതൽ നിക്ഷേപകർ പരാതി ഉടൻ നൽകുമെന്ന് വ്യക്തമാക്കിയിട്ടുണ്ട്.