ആലപ്പുഴ: ശക്തമായ മഴയില്‍ ആലപ്പുഴ ബീച്ചില്‍ കട തകര്‍ന്ന് ദേഹത്തുവീണ പെണ്‍കുട്ടിക്ക് ദാരുണാന്ത്യം. പള്ളാത്തുരുത്തി രതിഭവനില്‍ നിത്യ (18)യാണ് മരിച്ചത്. സുഹൃത്തുക്കള്‍ക്കൊപ്പം ബീച്ചിലെത്തിയപ്പോഴാണ് അപകടമുണ്ടായത്. 

മഴയ്ക്ക് പിന്നാലെ ശക്തമായ കാറ്റ് പ്രദേശത്ത് വീശിയിരുന്നു. മഴയില്‍ നിന്ന് രക്ഷപ്പെടാനാണ് നിത്യയും, സുഹൃത്തും ബജിക്കടയുടെ അടുത്തേക്ക് മാറി നിന്നത്. പിന്നാലെ കട മറിഞ്ഞ് ഇരുവരുടെയും ദേഹത്തേക്ക് വീണു. സംഭവ സ്ഥലത്തുണ്ടായിരുന്ന നാട്ടുകാര്‍ ഉടന്‍ ഓടിയെത്തി ഇരുവരെയും പുറത്തെടുത്ത് ആശുപത്രിയിലേക്ക് കൊണ്ടുപോയെങ്കിലും നിത്യയെ രക്ഷപ്പെടുത്താനായില്ല. സുഹൃത്ത് ചികിത്സയില്‍ തുടരുകയാണ്.