ദോഹ: സഫാരി മാൾ വഴി അബു ഹമൂറിലേക്ക് പുതിയ മെട്രോ ലിങ്ക് ബസ് സർവീസ് ആരംഭിച്ച് ദോഹ മെട്രോ റെയിൽ കോർപറേഷൻ. യെല്ലോ ലൈൻ സ്റ്റേഷൻ സ്പോർട്സ് സിറ്റിയിൽ നിന്നും അബു ഹമൂറിലേക്കാണ് പുതിയ മെട്രോ ലിങ്ക് ബസ് സർവീസ് ഓടിത്തുടങ്ങിയത്. സ്പോർട്സ് സിറ്റി സ്റ്റേഷനിൽ നിന്നും പുറപ്പെടുന്ന M310 ലിങ്ക് ബസ്സിന്  അൽ മിർഖബ് കോമ്പൗണ്ട്, മെസെയ്മീർ ഹെൽത്ത്‌ സെന്റർ, സഫാരി മാൾ,ഐഡിയൽ ഇന്ത്യൻ സ്കൂൾ തുടങ്ങിയ പ്രധാനപ്പെട്ട സ്റ്റോപ്പുകൾ ഉണ്ട്.

ദോഹ മെട്രോ ഉപയോക്താക്കൾക്ക്  സ്റ്റേഷനുകളിൽ നിന്നും പുറപ്പെടുന്ന സൗജന്യ ബസ് സർവീസാണ് മെട്രോ ലിങ്ക് ബസ്സുകൾ. മെട്രോ സ്റ്റേഷനുകൾക്ക് തൊട്ടടുത്തല്ലാത്ത താമസക്കാർക്കും മറ്റും മെട്രോ ലിങ്ക് ബസ് ആശ്വാസകരമാണ്.മെട്രോ റെയിൽ സർവീസ് നടത്താത്ത പല പ്രധാനപ്പെട്ട ഏരിയകളിലേക്കും ദോഹ മെട്രോ സൗജന്യ ലിങ്ക് ബസ് സർവീസ് നടത്തുന്നുണ്ട്.സഫാരി മാളും ഐഡിയൽ സ്കൂളും വഴി കടന്നു പോകുന്ന M310 ബസ്സ് സർവീസ് ഷോപ്പിംഗിന് പോകുന്നവർക്കും വിദ്യാർത്ഥികൾക്കും ഒരു പോലെ ഉപകാര പ്രദമാകും.