തിരുവനന്തപുരം: സംസ്ഥാനത്ത് കനത്ത മഴ തുടരുന്ന സാഹചര്യത്തിൽ മുഖ്യമന്ത്രിയുടെ നേതൃത്വത്തിലുള്ള യോഗങ്ങൾ മാറ്റി, മെയ് 29, 30, 31 എന്നീ തീയ്യതികളിൽ കോട്ടയത്തും കോഴിക്കോടും നടക്കാൻ നിശ്ചിയിച്ച യോഗങ്ങളാണ് മാറ്റിയത്.

മെയ് 29ന് കോട്ടയത്ത് മേഖലാ അവലോകന യോഗം, കോട്ടയം സയൻസ് സിറ്റി ഒന്നാം ഘട്ട സയൻസ് സെന്റർ ഉൽഘാടനം, മെയ് 30ന് പ്രൊഫഷണൽ വിദ്യാർത്ഥികളുമായുള്ള മുഖാമുഖ പരിപാടി എന്നിവയായിരുന്നു നേരത്തെ നിശ്ചിയിച്ചിരുന്നത്. മെയ് 31ന് കോഴിക്കോട് യുവജനങ്ങളുമായുള്ള അഭിമുഖവും ആയിരുന്നു ഉണ്ടായിരുന്നത്. 

അതേസമയം കേരളത്തിൽ പടിഞ്ഞാറൻ കാറ്റ് അടുത്ത അഞ്ച് ദിവസത്തേക്ക് ശക്തമാകാൻ സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. നിലവിൽ മറാത്തവാഡക്ക് മുകളിലായി ന്യൂനമർദ്ദം സ്ഥിതി ചെയ്യുന്നുണ്ട്. മെയ് മെയ്  27 ഓടെ മധ്യ പടിഞ്ഞാറൻ - വടക്കൻ ബംഗാൾ ഉൾക്കടലിനു  മുകളിലായി മറ്റൊരു ന്യുനമർദ്ദം കൂടി രൂപപ്പെടാൻ സാധ്യതയുണ്ട്. ഇതിന്റെ ഭാ​ഗമായി കേരളത്തിൽ അടുത്ത 5  ദിവസം വ്യാപകമായ മഴയ്ക്ക് സാധ്യത. 

Heavy rains CM-led meetings postponed