ലാഹോർ: കടുത്ത സാമ്പത്തിക പ്രതിസന്ധിയിലൂടെ കടന്നുപോകുന്ന പാകിസ്ഥാൻ പ്രതിരോധ ചെലവുകൾ വൻതോതിൽ വർദ്ധിപ്പിക്കാൻ ഒരുങ്ങുകയാണ്. 2025-26 സാമ്പത്തിക വർഷം ജൂലൈയിൽ ആരംഭിക്കാനിരിക്കെ, ഫെഡറൽ ബജറ്റിൽ സൈന്യത്തിനായി കൂടുതൽ ഫണ്ട് അനുവദിക്കുമെന്ന് സൂചന. ഈ മാസം ജൂൺ 2നാണ് ബജറ്റ് അവതരിപ്പിക്കാൻ സാധ്യതയുള്ളത്.

ഇന്ത്യയുടെ "ഓപ്പറേഷൻ സിന്ദൂർ" ഏൽപ്പിച്ച സൈനിക തിരിച്ചടികളുടെ പശ്ചാത്തലത്തിൽ പ്രതിരോധ ശേഷി ശക്തിപ്പെടുത്തലാണ് പ്രധാന ഉദ്ദേശമെന്ന് റിപ്പോർട്ടുകൾ സൂചിപ്പിക്കുന്നു. രാജ്യത്തിന്റെ അതീവ ദയനീയമായ സാമ്പത്തിക സാഹചര്യത്തേക്കാൾ മുൻഗണന സൈന്യത്തിനാണ് നൽകുന്നത് എന്നതാണ് ശ്രദ്ധേയമാനവുന്നത്.

അടുത്തിടെ അന്താരാഷ്ട്ര നാണയനിധിയായ ഐഎംഎഫിൽ നിന്ന് പാകിസ്ഥാനു ലഭിച്ച ഒരു ബില്യൺ ഡോളറിന്റെ (ഏകദേശം ₹8,500 കോടി) വായ്പയിലൂടെ താൽക്കാലിക ആശ്വാസം കിട്ടിയിട്ടുണ്ട്. എന്നാല്‍, രാജ്യത്തിന്‍റെ മൊത്തം ബാഹ്യ കടം 22 ബില്യൺ ഡോളറിലധികമാണ്. ഈ വായ്പാ സഹായത്തോടെ ഐഎംഎഫിൽ നിന്നുള്ള നാലാമത്തെ വലിയ വായ്പാ സ്വീകരിച്ച രാജ്യമായി പാകിസ്ഥാൻ മാറിയിരിക്കുകയാണ്.

2025-26 സാമ്പത്തിക വർഷത്തിലെ പ്രതിരോധ ബജറ്റ് വർദ്ധിപ്പിക്കപ്പെടുമെന്ന് പാകിസ്ഥാൻ പ്ലാനിംഗ് മന്ത്രി അഹ്സൻ ഇഖ്ബാൽ സ്ഥിരീകരിച്ചു. ഇന്ത്യയുമായുള്ള അടുത്തകാലത്തെ സൈനിക സംഘർഷങ്ങൾ, സിന്ധു നദീജല ഉടമ്പടി ഇന്ത്യ താൽക്കാലികമായി നിർത്തിവച്ചത് എന്നിവ പ്രധാന കാരണങ്ങളായി അദ്ദേഹം ചൂണ്ടിക്കാട്ടി.

ഐഎംഎഫിന്റെ സമ്മർദ്ദം ബജറ്റ് രൂപീകരണത്തിൽ ഉണ്ടായിരുന്നില്ലെന്ന് ഇഖ്ബാൽ വ്യക്തമാക്കിയിട്ടുണ്ട്. ഫെഡറൽ സർക്കാരിന്റെ പ്രതിരോധ ചെലവിൽ 18 ശതമാനം വർദ്ധനവ് നേരത്തെ തന്നെ അംഗീകരിച്ചിരുന്നുവെന്നും, അടുത്ത ബജറ്റിൽ 2.5 ട്രില്യൺ പാകിസ്ഥാൻ രൂപയ്ക്കുമേൽ പ്രതിരോധ വകയിരുത്തലുണ്ടാകുമെന്നും അദ്ദേഹം കൂട്ടിച്ചേർത്തു.

രാജ്യത്തിന്റെ പൊതു സാമ്പത്തിക നയങ്ങൾക്കു എതിരെ പോകുന്ന ഈ നീക്കത്തിനെതിരെ വിമർശനം ഉയരുമ്പോഴും, ദേശീയ സുരക്ഷയ്ക്കു മുൻഗണന നൽകി മുന്നോട്ടുപോകുകയാണ് പാക് ഭരണകൂടം.

Despite being trapped in a severe economic crisis, Pakistan is set to increase its defense budget in the upcoming fiscal year starting July 2025. The move comes shortly after the IMF approved a $1 billion loan, making Pakistan one of the top four IMF borrowers. The defense hike—estimated at over PKR 2.5 trillion—follows recent military tensions with India and the suspension of the Indus Waters Treaty by New Delhi. Planning Minister Ahsan Iqbal confirmed the increase, stating there was no IMF pressure on the federal budget allocation.