പാലക്കാട്: പാലക്കാട് ജില്ലയിലെ മണ്ണാർക്കാട് അരിയൂർ പാലത്തിന് സമീപം രണ്ട് സ്വകാര്യ ബസുകൾ തമ്മിൽ കൂട്ടിയിടിച്ച് അപകടം.അപകടത്തിൽ നിരവധി യാത്രക്കാർക്ക് പരിക്കേറ്റു. അതിൽ ഒരാളുടെ നില അതീവ ഗുരുതരമാണ്. ഗുരുതരമായി പരുക്കേറ്റയാളെ ഉടൻ പെരിന്തൽമണ്ണയിലെ സ്വകാര്യ ആശുപത്രിയിലേക്ക് മാറ്റി.

പാലക്കാട് ഭാഗത്തേക്കു വരികയായിരുന്ന സൺ ബസും, മണ്ണാർക്കാട് ഭാഗത്ത് നിന്നും കരിങ്കല്ലത്താണിയിലേക്ക് പോകുകയായിരുന്ന ബ്രൈറ്റ് ബസുമാണ് കൂട്ടിയിടിച്ചതെന്ന് പ്രാഥമിക വിവരം. അപകടത്തിന്റെ വ്യക്തമായ കാരണം കണ്ടെത്താനായിട്ടില്ലെങ്കിലും വാഹനം അമിതവേഗത്തിലായിരുന്നുവെന്നാണു പ്രദേശവാസികൾ പറയുന്നത്.

പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. പരിക്കേറ്റ മറ്റു യാത്രക്കാർക്ക് മണ്ണാർക്കാട് താലൂക്ക് ആശുപത്രിയിലും സമീപത്തെ മറ്റു ആശുപത്രികളിലും പ്രാഥമിക ചികിത്സ നൽകിയിട്ടുണ്ട്. അപകടം നടക്കുമ്പോൾ ബസുകളിൽ നിരവധി യാത്രക്കാർ ഉണ്ടായിരുന്നു.

A major road accident occurred near Ariyoor bridge in Mannarkkad, Palakkad district, when two private buses collided. Several passengers sustained injuries, with one reported to be in critical condition and shifted to a private hospital in Perinthalmanna. The collision involved a bus traveling towards Palakkad (Sun Bus) and another heading to Karinkallathani (Bright Bus). Authorities are investigating the cause of the accident.