തിരുവനന്തപുരം: ജോലിയും സ്വകാര്യ ജീവിതവുമൊക്കെയായി പല ഗൂഗിൾ അക്കൗണ്ടുകൾ കൈകാര്യം ചെയ്യുന്നവർക്കുള്ള വലിയൊരു ആശ്വാസമായി ഗൂഗിൾ പുതിയ ഫീച്ചർ അവതരിപ്പിച്ചിട്ടുണ്ട്. ഇനി ഗൂഗിൾ ആപ്പുകളിൽ അക്കൗണ്ടുകൾ മാറാൻ അതികം കഷ്ടപ്പെടേണ്ട ഒറ്റ ടാപ്പിൽ ലളിതമായി സ്വിച്ച് ചെയ്യാവുന്ന സംവിധാനം വരവായി ഗൂഗിൾ കൊണ്ടുവന്നിരിക്കുകയാണ്.

 അക്കൗണ്ട് മാറ്റം ഇനി വളരെ എളുപ്പം
മുമ്പ് ഗൂഗിൾ ആപ്പുകളിൽ അക്കൗണ്ടുകൾ മാറാൻ പല ഘട്ടങ്ങളിലൂടെയാണ് പോകേണ്ടിയിരുന്നത് — പ്രൊഫൈലിൽ ടാപ്പ് ചെയ്യുക, "Manage your Google Account" തിരഞ്ഞെടുക്കുക, ലിസ്റ്റ് കണ്ടെത്തുക... ഇങ്ങനെ. എന്നാൽ ഇപ്പോൾ ഉപയോക്താക്കളുടെ പ്രൊഫൈൽ ഫോട്ടോയിൽ നേരിട്ട് "Account Switch" എന്ന ഡ്രോപ്പ്‌ഡൗൺ മെനു പ്രത്യക്ഷപ്പെടും. അതിൽ ടാപ്പ് ചെയ്താൽ ലിങ്ക് ചെയ്ത മറ്റ് അക്കൗണ്ടുകളും, പുതിയതൊന്ന് ചേർക്കാനുള്ള ഓപ്ഷനുകളും കാണാം.

ഇതിനകം ലഭ്യമായ ആപ്പുകൾ
പുതിയ ഫീച്ചർ നിലവിൽ ഗൂഗിൾ ട്രാൻസ്ലേറ്റ് (പതിപ്പ് 9.9.58), വാലറ്റ് (പതിപ്പ് 25.20), ടാസ്‌ക്ക്സ് (പതിപ്പ് 2025.05.19) തുടങ്ങിയ ആപ്പുകളിൽ ലഭ്യമാണ്. കമ്പ്യൂട്ടറിൽ കാണുന്ന രീതിയിലാണ് ഇന്റർഫേസ് രൂപകല്പന ചെയ്തിരിക്കുന്നത്. ഇതിനുമുമ്പ് ഈ മാറ്റം ഗൂഗിൾ മാപ്‌സിലും കാണപ്പെട്ടിരുന്നു. കൂടാതെ, ഗൂഗിൾ കലണ്ടറും കീപ്പും ഉടൻ ഈ മാറ്റം ഉൾക്കൊള്ളും എന്നാണ് സൂചന.

ഈ ചെറിയ മാറ്റം ഏറ്റവും കൂടുതൽ ഗുണം ചെയ്യുന്നവർ — ജോലി, സ്വകാര്യത, മറ്റ് പ്രൊജക്ടുകൾ എന്നിവയ്ക്കായി വ്യത്യസ്ത ഗൂഗിൾ അക്കൗണ്ടുകൾ ഉപയോഗിക്കുന്നവർക്ക് — വലിയൊരു ആശ്വാസമായി മാറും. അക്കൗണ്ട് മാനേജ്മെന്റ് ഇനി കൂടുതൽ സമയം ലാഭിക്കുന്നതും ഉപഭോക്തൃ സൗഹൃദപരവുമായതുമാണ്.

ഇത് ഇപ്പോൾ ആൻഡ്രോയ്ഡ് ആപ്പുകൾക്ക് ലഭ്യമാണ്. ഐഫോണി-ലുള്ള ​ഗൂ​ഗിൾഡ്രൈവ്, മാപ്സ് തുടങ്ങിയവയിലും പുതിയ ഡിസൈൻ ലഭ്യമാണ്. Google-ന്റെ മറ്റ് ആപ്പുകളിലും അടുത്ത ദിവസങ്ങളിൽ ഈ അപ്‌ഡേറ്റ് പ്രതീക്ഷിക്കാം.

Google has introduced a simplified account switcher across several of its apps, making it easier for users with multiple accounts to switch between them. Now, with just one tap on your profile photo, a dropdown menu allows quick access to other linked accounts and options to add or manage accounts. The new feature is already available in apps like Google Translate (v9.9.58), Wallet (v25.20), and Tasks (v2025.05.19). It brings a desktop-like interface to mobile and is expected to roll out to more apps like Calendar and Keep soon.