ഹൈദരാബാദ്: ജഗദീഷ് മാർക്കറ്റിൽ വ്യാജ ആപ്പിൾ ആക്സസറികൾ വിൽപന നടത്തിയിരുന്ന റാക്കറ്റ് പൊലീസ് പിടികൂടി. കമ്മീഷണറുടെ ടാസ്ക് ഫോഴ്സ് (സെൻട്രൽ സോൺ) ഉദ്യോഗസ്ഥരും ആബിഡ്സ് പൊലീസും ചേർന്ന് നടത്തിയ റെയ്ഡിൽ 1.01 കോടി രൂപയുടെ ഡ്യൂപ്ലിക്കേറ്റ് ഐഫോൺ ആക്സസറികൾ കണ്ടെടുത്തു. നാല് മൊബൈൽ ഷോപ്പ് ഉടമകൾ വ്യാജ ഉൽപ്പന്നങ്ങൾ യഥാർത്ഥമാണെന്ന് തെറ്റിദ്ധരിപ്പിച്ച് വിൽപന നടത്തിയിരുന്നതായി കണ്ടെത്തി.

പ്രതികൾ ആപ്പിളിന്റെ ലോഗോയും പാക്കേജിംഗ് ഡിസൈനുകളും നിയമവിരുദ്ധമായി ഉപയോഗിച്ച് ഉപഭോക്താക്കളെ വഞ്ചിച്ചതായി പൊലീസ്  വ്യക്തമാക്കി. ഇത് ഉപഭോക്തൃ അവകാശങ്ങളുടെ ലംഘനം മാത്രമല്ല, ആപ്പിളിന്റെ ബൗദ്ധിക സ്വത്തവകാശത്തിന്മേലുള്ള കടന്നുകയറ്റവുമാണ്. പകർപ്പവകാശ നിയമപ്രകാരമുള്ള വകുപ്പുകൾ ചുമത്തി പ്രതികൾക്കെതിരെ കേസെടുത്തു.

പിടിച്ചെടുത്ത വ്യാജ ഉൽപ്പന്നങ്ങൾ പരിശോധനയിലാണ്. ഇവയുടെ ഉറവിടം കണ്ടെത്താൻ അന്വേഷണം തുടരുകയാണ്. അംഗീകൃത ഡീലർമാരിൽ നിന്ന് മാത്രം ഇലക്ട്രോണിക് ഉപകരണങ്ങൾ വാങ്ങാനും ഉൽപ്പന്നങ്ങളുടെ ആധികാരികത പരിശോധിക്കാനും ഹൈദരാബാദ് സിറ്റി പൊലീസ്  പൊതുജനങ്ങളോട് അഭ്യർത്ഥിച്ചു. കേരളത്തിൽ മറ്റ് സംസ്ഥാനങ്ങളിൽ നിന്നും ആപ്പിൾ ഉൽപ്പന്നങ്ങൾ കുറഞ്ഞ വിലയ്ക്ക് വാങ്ങുന്നവരുടെ എണ്ണം വർ​ദ്ധിച്ചിട്ടുണ്ട്.