ജയ്പൂർ: ടി-20 ക്രിക്കറ്റിൽ പുത്തൻ റെക്കോർഡ് സ്വന്തമാക്കി ഇന്ത്യൻ ടി-20 നായകൻ സൂര്യകുമാർ യാദവ്. ഐപിഎല്ലിൽ ഗ്രൂപ്പ് ഘട്ടത്തിലെ അവസാന മത്സരത്തിൽ പഞ്ചാബ് കിങ്സിനെതിരെയാണ് സ്‌കൈ ഈ റെക്കോർഡ് സ്വന്തമാക്കിയത്.

ടി-20യിൽ  തുടർച്ചയായി ഏറ്റവും കൂടുതൽ 25+ സ്കോറുകൾ നേടുന്ന താരമായി മാറാനാണ് സൂര്യക്ക് സാധിച്ചത്. 14 തവണയാണ് താരം തുടർച്ചയായി  25+ സ്കോറുകൾ നേടിയത്.13 തവണ 25+ സ്കോറുകൾ തുടർച്ചയായി നേടിയ സൗത്ത് ആഫ്രിക്കൻ താരം ടെംബ ബവുമയെ മറികടന്നാണ് സ്‌കൈ ഈ നേട്ടം കൈവരിച്ചത്. 2019-20 വർഷത്തിലാണ് ബാവുമ തുടർച്ചയായി 13 തവണ 25+ സ്‌കോറുകൾ നേടിയത്. 

മത്സരത്തിൽ അർദ്ധ സെഞ്ച്വറി നേടിയാണ് സൂര്യകുമാർ തിളങ്ങിയത്. 39 പന്തിൽ 57 റൺസ് നേടിയാണ് സ്‌കൈ തിളങ്ങിയത്. ആറ് ഫോറുകളും രണ്ട് സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്. ഈ സീസണിൽ സ്ഥിരതയാർന്ന പ്രകടനമാണ് മുംബൈ താരം നടത്തിക്കൊണ്ടിരിക്കുന്നത്. 

ജയ്പൂർ സവായ് മാൻസിംഗ് സ്റ്റേഡിയത്തിൽ നടക്കുന്ന മത്സരത്തിൽ ടോസ് നഷ്ടപ്പെട്ട് ആദ്യം ബാറ്റ് ചെയ്ത മുംബൈ ഏഴ് വിക്കറ്റ് നഷ്ടത്തിൽ 184 റൺസ് നേടിയത്. 

പഞ്ചാബിന്റെ ബൗളിങ്ങിൽ അർഷ്ദീപ് സിംഗ്, വൈശാഗ് വിജയ കുമാർ, മാർക്കോ ജാൻസൻ എന്നിവർ രണ്ട് വീതം വിക്കറ്റുകൾ നേടി മികച്ച പ്രകടനമാണ് നടത്തിയത്. ഹർപ്രീത് ബ്രാർ ഒരു വിക്കറ്റും നേടി. 

പഞ്ചാബ് കിംഗ്സ് പ്ലെയിങ് ഇലവൻ

പ്രിയാൻഷ് ആര്യ, ജോഷ് ഇംഗ്ലിസ്(വിക്കറ്റ് കീപ്പർ), നെഹാൽ വധേര, ശ്രേയസ് അയ്യർ (ക്യാപറ്റൻ), മാർക്കസ് സ്റ്റോണിസ്, ശശാങ്ക് സിംഗ്, മാർക്കോ ജാൻസൻ, ഹർപ്രീത് ബ്രാർ, അർഷ്ദീപ് സിംഗ്, കൈൽ ജാമിസൺ.

മുംബൈ ഇന്ത്യൻസ് പ്ലെയിങ് ഇലവൻ

 രോഹിത് ശർമ്മ, റയാൻ റിക്കൽടൺ(വിക്കറ്റ് കീപ്പർ), വിൽ ജാക്സ്, സൂര്യകുമാർ യാദവ്, തിലക് വർമ്മ, നമാൻ ധിർ, ഹാർദിക് പാണ്ഡ്യ (ക്യാപ്റ്റൻ), മിച്ചൽ സാൻ്റ്‌നർ, ദീപക് ചഹർ, ട്രെൻ്റ് ബോൾട്ട്, ജസ്പ്രീത് ബുംറ.

IPL 2025 Punjab Kings vs Mumbai Indians; Suryakumar Yadav Create a new World Record in T20 Cricket