റിയാദ്: സഊദി പ്രോ ലീഗിൽ കഴിഞ്ഞദിവസം നടന്ന മത്സരത്തിൽ അൽ നസർ പരാജയപ്പെട്ടിരുന്നു. അൽഫത്തേഹിനെതിരെയുള മത്സരത്തിൽ രണ്ടിനെതിരെ മൂന്നു ഗോളുകൾക്കായിരുന്നു അൽ നസർ പരാജയപ്പെട്ടിരുന്നു.

മത്സരശേഷം അൽ നസർ നായകൻ ക്രിസ്റ്റ്യാനോ റൊണാൾഡോ സോഷ്യൽ മീഡിയയിൽ പങ്കുവെച്ച ഒരു പോസ്റ്റാണ് ഫുട്ബോൾ സർക്കിളുകളിൽ എൻറെ ചർച്ചയായത്. ഈ അധ്യായം ഇവിടെ അവസാനിച്ചു എന്നാണ് താരം സോഷ്യൽ മീഡിയയിൽ കുറിച്ചത്. ''കഥയോ? അത് ഇനിയും എഴുതപ്പെടുകയാണ്. എല്ലാവര്ക്കും നന്ദി'' റൊണാൾഡോ സോഷ്യൽ മീഡിയയിൽ പോസ്റ്റ് ചെയ്തു. 

റൊണാൾഡോയുടെ ഈ പോസ്റ്റിന് പിന്നാലെ താരം അൽ നസർ വിടാൻ തീരുമാനമെടുത്തുവെന്ന ചർച്ചകളും ആരാധകർക്കിടയിൽ നിലനിൽക്കുന്നുണ്ട്. ടീമിനൊപ്പമുള്ള റൊണാൾഡോയുടെ കരാർ റൊണാൾഡോ വൈകാതെ അവസാനിക്കും ഇതിനു ശേഷം താരത്തിന്റെ ഭാവി എന്താകുമെന്നാണ് ഫുട്ബോൾ ലോകം ഉറ്റുനോക്കുന്നത്. 

റൊണാൾഡോയെ സ്വന്തമാക്കാൻ അൽ അഹ്ലി, പാൽമിറാസ്, ചെൽസി എന്നീ ടീമുകൾ ശ്രമിക്കുന്നുവെന്നും റിപ്പോർട്ടുകൾ നിലനിൽക്കുന്നുണ്ട്. വരാനിരിക്കുന്ന ഫിഫ ക്ലബ് ലോകകപ്പിൽ ഈ മൂന്ന് ക്ലബ്ബുകളും കളിക്കുന്നുണ്ട്. അതുകൊണ്ട് തന്നെ റൊണാൾഡോ ഈ ടൂർണമെന്റ് കളിക്കാനായി അൽ നസർ വിടാനുള്ള സാധ്യതകളും നിലനിൽക്കുന്നുണ്ട്. 

അതേസമയം സഊദി പ്രൊ ലീഗിലെ ഈ സീസണിലെ ഗോൾഡൻ ബൂട്ട് റൊണാൾഡോയാണ് സ്വന്തമാക്കിയത്. ഈ സീസണിൽ നസറിനു വേണ്ടി 25 ഗോളുകളാണ് റൊണാൾഡോ അടിച്ചുകൂട്ടിയത്. തുടർച്ചയായ രണ്ടാം സീസണിൽ ആണ് റൊണാൾഡോ ഗോൾഡൻ ബൂട്ട് സ്വന്തമാക്കുന്നത്. അൽഫത്തേഹിനെതിരെയുള മത്സരത്തിൽ റൊണാൾഡോ ഗോൾ നേടിയിരുന്നു. എറൊണാൾഡോക്ക് പുറമേ അൽ നസറിന് വേണ്ടി സാദിയോ മാനെയും ഗോൾ നേടി. അൽ ഫത്തേഹിനായി മാറ്റിയാസ് വർഗാസ്, മൗറാദ് ബട്ന, മാത്യൂസ് മച്ചാഡോ എന്നിവരാണ് ലക്ഷ്യം കണ്ടത്.

2022ലാണ് റൊണാൾഡോ മാഞ്ചസ്റ്റർ യുണൈറ്റഡിൽ നിന്നും അൽ നസറിലെത്തുന്നത് റൊണാൾഡോയുടെ വരവോടെ സഊദി ലീഗിൽ വലിയ മാറ്റങ്ങളാണ് സംഭവിച്ചിട്ടുള്ളത്. റൊണാൾഡോയുടെ കടന്നുവരവോടെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു. റൊണാൾഡോക്ക് പുറമേ യൂറോപ്പ്യൻ ക്ലബ്ബുകളിലെ വമ്പൻ താരനിര സഊദിയിലേക്ക് കൂടു മാറിയിരുന്നു. കരിം ബെൻസിമ, നെയ്മർ, സാദിയോ മാനെ, റിയാദ് മെഹറസ്, റോബർട്ടോ ഫിർമീഞ്ഞോ തുടങ്ങിയ പ്രധാന താരങ്ങളും സഊദിയിലേക്ക് മാറിയിരുന്നു.