ഏകാന: ഐപിഎല്ലിൽ ഇന്ന് നടക്കുന്ന മത്സരത്തിൽ റോയൽ ചലഞ്ചേഴ്‌സ് ബെംഗളൂരുവും ലഖ്‌നൗ സൂപ്പർ ജയന്റ്‌സുമാണ് ഏറ്റുമുട്ടുന്നത്. ഏകാന ക്രിക്കറ്റ് സ്റ്റേഡിയത്തിൽ നടക്കുന്ന മത്സരത്തിൽ വിജയിക്കാൻ സാധിച്ചാൽ ആർസിബിക്ക് ക്വാളിഫയർ വൺ കളിക്കാൻ സാധിക്കും. മറുഭാഗത്ത് ടൂർണമെന്റിൽ നിന്നും പുറത്തായ ലഖ്‌നൗ ഈ മത്സരം വിജയിച്ചുകൊണ്ട് മടങ്ങാനാവും ലക്ഷ്യം വെക്കുക.

ഈ മത്സരത്തിൽ ആർസിബി താരം വിരാട് കൊഹ്‌ലിയെ കാത്തിരിക്കുന്നത് ഒരു തകർപ്പൻ റെക്കോർഡാണ്. ആർസിബിക്കായി 9000 റൺസ് നേടാനുള്ള അവസരമാണ് കോഹ്‌ലിയുടെ മുന്നിലുള്ളത്. ഇതിനായി കോഹ്‌ലിക്ക് 24 റൺസ് കൂടി മതി. ആർസിബിക്കായി 279 മത്സരങ്ങളിൽ  നിന്ന് 8976 റൺസ് ആണ് കോഹ്‌ലി നേടിയിട്ടുള്ളത്. എട്ട് സെഞ്ച്വറികളും 64 അർദ്ധ സെഞ്ച്വറികളും താരം ബെംഗളൂരുവിനായി നേടിയിട്ടുണ്ട്.

ഈ സീസണിൽ മികച്ച ഫോമിലാണ് കോഹ്‌ലി കളിക്കുന്നത്. 12 ഇന്നിംഗ്സുകളിൽ നിന്നും 548 റൺസ് ആണ് താരം നേടിയിട്ടുള്ളത്. ഈ സീസണിൽ ഏഴ് അർദ്ധ സെഞ്ച്വറികളും കോഹ്‌ലി സ്വന്തമാക്കിയിട്ടുണ്ട്. 60.88 എന്ന മികച്ച ആവറേജിലും 145.35 സ്ട്രൈക്ക് റേറ്റിലും ആണ് വിരാട് ബാറ്റ് വീശിയത്. താരത്തിന്റെ ഈ മികച്ച പ്രകടനം കൊൽക്കത്തക്കെതിരെയും ആവർത്തിക്കുമെന്നാണ് ആരാധകർ പ്രതീക്ഷിക്കുന്നത്. 
 
ഈ സീസണിൽ സ്വപ്ന തുല്യമായ മുന്നേറ്റമാണ് ബെംഗളൂരു നടത്തികൊണ്ടിരിക്കുന്നത്. സീസണിലെ ആദ്യ മത്സരത്തിൽ കൊൽക്കത്ത നൈറ്റ് റൈഡേഴ്സിനെ വീഴ്ത്തിയാണ് ബെംഗളൂരു തുടക്കം കുറിച്ചത്. രണ്ടാം മത്സരത്തിൽ ചെന്നൈ സൂപ്പർ കിങ്സിനെയും ആർസിബി പരാജയപ്പെടുത്തി. 17 വർഷങ്ങൾക്ക് ശേഷം ഇതാദ്യമായിട്ടാരുന്നു ചെപ്പോക്കിന്റെ മണ്ണിൽ ആർസിബി ചെന്നൈയെ കീഴടക്കിയത്.

എന്നാൽ മൂന്നാം മത്സരത്തിൽ ഗുജറാത്ത് ടൈറ്റൻസിനോട് ബെംഗളൂരു പരാജയപ്പെട്ടിരുന്നു. പിന്നീട് വാംഖഡെയിൽ മുംബൈ ഇന്ത്യൻസിനെതിരെയുള്ള മത്സരം വിജയിച്ചുകൊണ്ട് ആർസിബി തിരിച്ചുവരികയായിരുന്നു. ഈ സീസണിൽ നാല് മത്സരങ്ങളിലാണ് ആർസിബി പരാജയപ്പെട്ടത്. 

Virat Kohli waiting for a new milestone for RCB in IPL