ദുബൈ: യൂറോപ്പിലേക്കുള്ള ഷെങ്കൻ വിസ ലഭിക്കുന്നതിന് യുഎഇ നിവാസികൾക്ക് ദീർഘമായ കാലതാമസം നേരിടേണ്ടി വരുന്നുണ്ട്. ഈ സാഹചര്യത്തിൽ 24 മണിക്കൂറിനുള്ളിൽ വിസ തീരുമാനം ലഭിക്കുന്ന യുകെ ഒരു പ്രധാന ലക്ഷ്യസ്ഥാനമായി മാറിയിട്ടുണ്ട്.

വേനൽക്കാല യാത്രാ സീസൺ അടുത്തുവരുന്നതോടെ, യുഎഇയിലെ യൂറോപ്യൻ മിഷനുകളിലെ ബാക്ക്‌ലോഗുകൾ, പരിമിതമായ അപ്പോയിന്റ്മെന്റുകൾ, നീണ്ട പ്രോസസ്സിംഗ് സമയം എന്നിവ കാരണം അപേക്ഷകർ വലിയ നിരാശയാണ് അനുഭവിക്കുന്നത്. ഇതിനു വിപരീതമായി, യുകെയുടെ പ്രയോറിറ്റി, സൂപ്പർ പ്രയോറിറ്റി വിസ ഓപ്ഷനുകൾ യാത്രക്കാർക്ക് കാര്യക്ഷമമായ ഒരു ബദൽ വാഗ്ദാനം ചെയ്യുന്നു.

"വിസാ അല്ലെങ്കിൽ സെറ്റിൽമെന്റ് (‘ഇൻഡെഫിനിറ്റ് ലീവ് ടു റിമെയിൻ’) അപേക്ഷയിൽ വേഗത്തിൽ തീരുമാനം ലഭിക്കാൻ നിങ്ങൾക്ക് പണം നൽകാം," എന്ന് യുകെ സർക്കാരിന്റെ GOV.UK വെബ്സൈറ്റിൽ പറയുന്നു.

സൂപ്പർ പ്രയോറിറ്റി വിസ

യുഎഇയിൽ നിന്ന് യുകെ വിസയ്ക്ക് അപേക്ഷിക്കുന്നവർക്ക് ഏറ്റവും വേഗതയേറിയ മാർഗമാണ് സൂപ്പർ പ്രയോറിറ്റി വിസ സർവിസ്. ബയോമെട്രിക് അപ്പോയിന്റ്മെന്റ് വാരാന്ത്യത്തിലോ യുകെ ബാങ്ക് അവധി ദിവസത്തിലോ വന്നാൽ അടുത്ത പ്രവൃത്തി ദിവസത്തിനകം അല്ലെങ്കിൽ രണ്ട് പ്രവൃത്തി ദിവസങ്ങൾക്കുള്ളിൽ തീരുമാനം ലഭിക്കുമെന്ന് അധികൃതർ വ്യക്തമാക്കുന്നു. 

പ്രോസസ്സിംഗ് സമയം

സാധാരണയായി ഒരു പ്രവൃത്തി ദിവസത്തിനുള്ളിൽ

ചെലവ്: സ്റ്റാൻഡേർഡ് വിസ അപേക്ഷാ ഫീസിനു പുറമേ £1,000 (ഏകദേശം 5,000 ദിർഹം).

യോഗ്യത: മിക്ക ഹ്രസ്വകാല സന്ദർശക വിസകൾക്കും, തൊഴിൽ വിസകൾക്കും, വിദ്യാർത്ഥി വിസകൾക്കും, സെറ്റിൽമെന്റ് അപേക്ഷകൾക്കും ബാധകമാണ്.

പ്രയോറിറ്റി വിസ സർവിസ്

ഉടനടി ഫലം ആവശ്യമില്ലാത്ത, എന്നാൽ വേഗത്തിൽ തീരുമാനം ആഗ്രഹിക്കുന്ന യാത്രക്കാർക്ക്, യുകെ എംബസികൾ നൽകുന്ന പ്രയോറിറ്റി വിസ സേവനം തിരഞ്ഞെടുക്കാം. ഇത് അഞ്ച് പ്രവൃത്തി ദിവസത്തിനുള്ളിൽ തരുമാനം അറിയിക്കുന്നു.

പ്രയോറിറ്റി വിസ സർവിസ് വിശദാംശങ്ങൾ

പ്രോസസ്സിംഗ് സമയം: സാധാരണയായി 5 പ്രവൃത്തി ദിവസങ്ങൾ.

ചെലവ്: വിസ അപേക്ഷാ ഫീസിനു പുറമേ £500 (ഏകദേശം 2500 ദിർഹം).

ആരംഭ സമയം: നിങ്ങളുടെ ബയോമെട്രിക് അപ്പോയിന്റ്മെന്റിൽ നിന്നോ അല്ലെങ്കിൽ യുകെ ഇമിഗ്രേഷൻ ആപ്പ് വഴി രേഖകൾ സമർപ്പിച്ചതിന് ശേഷമോ.

ചില കേസുകളിൽ, യുകെ അധികൃതർക്ക് വിശദാംശങ്ങൾ പരിശോധിക്കേണ്ടതുണ്ടാകും അല്ലെങ്കിൽ അധിക രേഖകൾ ആവശ്യപ്പെടേണ്ടതുണ്ടാകും ഇത്തരം സാഹചര്യങ്ങളിൽ തീരുമാനങ്ങൾക്ക് കൂടുതൽ സമയം ആവശ്യമായി വരും.

Frustrated with Schengen visa delays? UAE residents can now opt for a UK visit visa with decisions in just 24 hours using Priority/Super Priority services. Learn how to apply!