സഹപ്രവര്‍ത്തകനെതിരെ ഗുരുതര ആരോപണവുമായി ആസ്‌ത്രേലിയന്‍ എം.പി. വൈന്‍ കഴിക്കാനും മേശയില്‍ കയറി നിന്ന് ഡാന്‍സ് ചെയ്യാനും തന്നെ നിര്‍ബന്ധിച്ചുവെന്നാണ് ആരോപണം. ഫാത്വിമ പേമാന്‍ ആണ് ആരോപണവുമായി രംഗത്തെത്തിയത്.

അതിരുവിട്ട് മദ്യപിച്ച ഇയാള്‍ തനിക്ക് നേരെ മോശം പരാമര്‍ശങ്ങള്‍ നടത്തിയെന്നും ഫാത്വിമ പാര്‍ലമെന്ററി വാച്ച്‌ഡോഗിന് നല്‍കിയ പരാതിയില്‍ പറയുന്നു. മുപ്പത്കാരനായ സ്വതന്ത്ര എം.പിയാണ് ഫാത്വിമയോട് മോശമായി പെരുമാറിയത്. ഒദ്യോഗിക പാര്‍ലമെന്ററി കാര്യങ്ങളുടെ ഭാഗമായി പങ്കെടുത്ത ഒരു ചടങ്ങിലായിരുന്നു സംഭവം. 

ആസ്‌ത്രേലിന്‍ പാര്‍ലമെന്റില്‍ ഹിജാബിടുന്ന ആദ്യ സെനറ്ററാണ് അഫ്ഗാന്‍ വംശജയായ ഫാത്വിമ. ആ പരാമര്‍ശങ്ങള്‍ ലൈംഗിക ചുവയുള്ളതും മദ്യം കഴിക്കാത്ത ഒരു മുസ്‌ലിം സ്ത്രീ എന്ന നിലയില്‍ തന്നെ ഒറ്റപ്പെടുത്തുന്നതായി തോന്നിപ്പിക്കുന്നതുമായിരുന്നുവെന്ന് അവര്‍ എബിസി ന്യൂസിനോട് പറഞ്ഞു.