അബൂദബി: അറഫാദിനം, ബലിപെരുന്നാള്‍ എന്നിവ പ്രമാണിച്ച് യുഎഇയിലെ സ്വകാര്യ മേഖലയ്ക്ക് മാനവ വിഭവശേഷി, സ്വദേശിവല്‍ക്കരണ മന്ത്രാലയം നാലു ദിവസത്തെ അവധി പ്രഖ്യാപിച്ചു. ജൂണ്‍ 5 മുതല്‍ 8 വരെയാണ് അവധിയെന്നും മന്ത്രാലയം അറിയിച്ചു. 

On the occasion of Arafat Day and Eid Al-Adha, the period from Thursday 5 June to Sunday 8 June 2025 will be an official paid holiday for all private sector employees across the UAE. Adha Mubarak. #MOHRE #UAEGov #UAE #EidAlAdha pic.twitter.com/vywJW8g4Jl

— وزارة الموارد البشرية والتوطين (@MOHRE_UAE) May 29, 2025

രാജ്യത്തെ പൊതുമോഖലയ്ക്ക് ഇന്നലെതന്നെ നാലു ദിവസം അവധി പ്രഖ്യാപിച്ചിരുന്നു. ജൂണ്‍ 5 (ദുല്‍ഹിജ്ജ 9) മുതലാണ് സ്വകാര്യ മേഖലയ്ക്കുള്ള അവധി ആരംഭിക്കുന്നത്. ഇത് ജൂണ്‍ 8 വരെ തുടരുമെന്നും അടുത്ത ദിവസം മുതല്‍ സ്വകാര്യ മേഖലയിലെ പ്രവൃത്തി പുനഃരാരംഭിക്കുമെന്നും മന്ത്രാലയം അറിയിച്ചു.

യുഎഇയിലെ പൊതുമേഖലയ്ക്കുള്ള ബലിപെരുന്നാള്‍ അവധി

പൊതുമേഖലാ ജീവനക്കാർക്കുള്ള ഈദ് അൽ അദ്ഹ അവധികൾ യുഎഇ സർക്കാർ ഔദ്യോഗികമായി പ്രഖ്യാപിച്ചിരുന്നു. രാജ്യത്തുടനീളമുള്ള മന്ത്രാലയങ്ങളും ഫെഡറൽ സ്ഥാപനങ്ങളും ജൂൺ 5 വ്യാഴാഴ്ച (ദുൽഹജ്ജ് 9) മുതൽ ജൂൺ 8 ഞായറാഴ്ച (ദുൽഹജ്ജ്12) വരെ അവധിയായിരിക്കുമെന്ന് അധികൃതർ പ്രസ്താവനയിൽ പറഞ്ഞു.

ഇസ്‌ലാമിക് കലണ്ടറിലെ ഏറ്റവും പ്രധാന അവസരങ്ങളിലൊന്നായ അറഫാ ദിനവും ഈദ് അൽ അദ്ഹയും പ്രമാണിച്ച് പൊതുമേഖലാ ജീവനക്കാർക്ക് നാല് ദിവസത്തെ അവധിയാണ് ലഭിക്കുക. ജൂൺ 9 തിങ്കളാഴ്ച മുതൽ പൊതുമേഖലാ സ്ഥാപനങ്ങളുടെ പ്രവർത്തനങ്ങൾ പുനരാരംഭിക്കും. 

The UAE Ministry of Human Resources and Emiratisation has confirmed a four-day paid Eid Al Adha holiday for private sector employees