ദുബൈ: കുറ്റകൃത്യം തടയുന്നതിനായി പുതിയ സംവിധാനം വികസിപ്പിച്ച ഗവേഷകന്‍ കൂടിയായ ദുബൈ പൊലിസിലെ ഉദ്യോഗസ്ഥനെ ആദരിച്ച് അധികൃതര്‍. കുറ്റകൃത്യം നടക്കുന്നതിനു മുമ്പേ കണ്ടെത്താന്‍ സഹായിക്കുന്ന സംവിധാനമാണ് യുവാവ് വികസിപ്പിച്ചത്.

ALSO READ: യുഎഇയിൽ 222 കുടുംബങ്ങൾക്ക് ബലി പെരുന്നാൾ സന്തോഷം; 140 മില്യൺ ദിർഹമിൻ്റെ കടം എഴുതിത്തള്ളി

മുഹമ്മദ് ബിന്‍ സായിദ് യൂണിവേഴ്‌സിറ്റി ഓഫ് ആര്‍ട്ടിഫിഷ്യല്‍ ഇന്റലിജന്‍സില്‍ () നിന്ന് പിഎച്ച്.ഡി നേടിയ ആദ്യത്തെ ഇമാറാത്തിയായ ഡോ. സലീം അല്‍മാരിയാണ് തത്സമയമുണ്ടാകുന്ന അസാധാരണമായ പെരുമാറ്റം തിരിച്ചറിയാന്‍ കഴിയുന്ന വീഡിയോ അനോമലി ഡിറ്റക്ഷന്‍ () സംവിധാനം രൂപകല്‍പ്പന ചെയ്തത്. ഔപചാരികമായി പരാതി നല്‍കുന്നതിന് മുമ്പോ അല്ലെങ്കില്‍ ഒരു കുറ്റകൃത്യം നടക്കുന്നതിന് മുമ്പോ പോലും സംശയാസ്പദമായ തരത്തിലുള്ള പ്രവര്‍ത്തനങ്ങളെക്കുറിച്ച് അധികാരികള്‍ക്ക് മുന്നറിയിപ്പ് നല്‍കാന്‍ ഈ സാങ്കേതികവിദ്യയ്ക്ക് കഴിയും.

അസാധരണമായ രീതിയില്‍ എന്തെങ്കിലും സംഭവിച്ചാല്‍ ഈ സംവിധാനം വഴി പെട്ടെന്ന് മനസ്സിലാകാന്‍ സാധിക്കുമെന്ന് സംവിധാനം വികസിപ്പിച്ച ഡോ. സലീം അല്‍മാരി പറഞ്ഞു.  

അനോമലി ഡിറ്റക്ഷന്‍ മേഖല പതിറ്റാണ്ടുകളായി നിലവിലുണ്ടെങ്കിലും, അല്‍മാരിയുടെ ഗവേഷണം ഈ ആശയത്തെ വീഡിയോ, ഓഡിയോ മേഖലയിലേക്ക് വികസിപ്പിച്ചു. എഐ ഉപയോഗിച്ച്, സാധാരണവും അസാധാരണവുമായ ദൃശ്യങ്ങള്‍ തമ്മില്‍ വേര്‍തിരിച്ചറിയാന്‍ ഈ സംവിധാനം സഹായിക്കും. ഉദാഹരണത്തിന്, ഒരു കവര്‍ച്ച അല്ലെങ്കില്‍ ആക്രമണം പോലുള്ള ഒരു സംഭവം നടക്കുമ്പോള്‍, അത് സൂക്ഷ്മമായോ അക്രമരഹിതമായോ ആണ് നടക്കുന്നതെങ്കില്‍പ്പോലും തിരിച്ചറിയാന്‍ കഴിയും. ഉദാഹരണമായി, ഒരു മനുഷ്യന്‍ ഒരു കാഷ്യറുടെ അടുത്തേക്ക് ചെന്ന് മാന്യമായി പണം ചോദിക്കുന്ന ഒരു രംഗം സങ്കല്‍പ്പിക്കുക, അദ്ദേഹം പറഞ്ഞു.

ഒരു സാധാരണ ക്യാമറയ്ക്ക് എന്താണ് സംഭവിക്കുന്നതെന്ന് മനസ്സിലാക്കാനുള്ള കഴിവില്ല, ഉദാരമതിയായ ഒരു കാഷ്യര്‍ ആര്‍ക്കെങ്കിലും പണം കൈമാറുന്നതായിക്കുമെന്നാണ് അത് മനസ്സിലാക്കുക. എന്നാല്‍ ഈ എഐ മോഡല്‍ സംവിധാനം ശരീര ഭാവം, സ്വരം, സൂക്ഷ്മ പെരുമാറ്റങ്ങള്‍ തുടങ്ങിയ സൂക്ഷ്മ സൂചനകള്‍ കണ്ടെത്തി അത് ഭീഷണിയിലൂടെ പണം തട്ടുകയാണെന്ന് കണ്ടെത്തും. ഇതിനായി മോഡല്‍ ആദ്യം 'എന്താണ് സാധാരണമെന്നും എന്താണ് അസാധാരണമെന്നും മനസ്സിലാക്കണം എന്ന് അദ്ദേഹം വിശദീകരിച്ചു. സാധാരണ രീതിയില്‍ ആളുകള്‍ പണം കൈകാര്യം ചെയ്യുന്നതിന്റെ ഫൂട്ടേജ് നമ്മള്‍ കാണിക്കേണ്ടതുണ്ട്. എന്നിട്ട് നമ്മള്‍ പറയുന്നു, ഇത് ശരിയായ രീതിയാണ്. അദ്ദേഹം പറഞ്ഞു.

ALSO READ: യുഎഇയിൽ ഇനി ക്രിപ്‌റ്റോകറൻസിയിൽ ശമ്പളം ലഭിക്കും? ബില്ലുകൾ, പലചരക്ക് സാധനങ്ങൾ, ട്രാഫിക് പിഴകൾ... എന്നിവയ്ക്കും ഡിജിറ്റൽ കറൻസി; ഞെട്ടേണ്ട എല്ലാം ഉടൻ യാഥാർത്ഥ്യമാകും

ആയിരക്കണക്കിന് പരീക്ഷണങ്ങള്‍ നടത്തിയ ശേഷമാണ് അല്‍മാരി ഈ സംവിധാനം വികസിപ്പിച്ചത്.    പ്രൊഫസര്‍ കാര്‍ത്തിക് നന്ദകുമാറിന്റെ മേല്‍നോട്ടത്തിലാണ് സലീം അല്‍മാരി ഗവേഷണം നടത്തിയത്.

കണ്ടുപിടുത്തങ്ങള്‍ നിറഞ്ഞ ഒരു ബാല്യകാലമായിരുന്നു അല്‍മാരിയുടേത്. എഞ്ചിനീയറായ അദ്ദേഹത്തിന്റെ പിതാവ് 1990കളില്‍ ഒരു സ്‌ക്രൂഫ്രീ വിന്‍ഡ് ടര്‍ബൈന്‍, കൈകാലുകള്‍ ഇല്ലാത്ത ആളുകള്‍ക്കായി ഒരു കമ്പ്യൂട്ടര്‍ ഇന്റര്‍ഫേസ്, പൊലിസ് ഉദ്യോഗസ്ഥര്‍ക്കായി ഒരു ഡിജിറ്റല്‍ അറ്റന്‍ഡന്‍സ് സിസ്റ്റം എന്നിവ നിര്‍മ്മിച്ചിരുന്നു.