ബെയ്‌റൂത്ത്: കാരുണ്യത്തിനും മാനുഷികതയ്ക്കും അതിര്‍ത്തികള്‍ ഇല്ലെന്ന് തെളിയിച്ച് വീണ്ടും ഷാര്‍ജ. 2020ലെ പോര്‍ട്ട് ബെയ്‌റൂത്ത് സ്‌ഫോടനത്തില്‍ തകര്‍ന്ന ലെബനനിലെ 147 വര്‍ഷം പഴക്കമുള്ള ആശുപത്രി പുനര്‍നിര്‍മിച്ചു. ദി ബിഗ് ഹേര്‍ട്ട് ഫൗണ്ടേഷന്റെ 'സലാം ബെയ്‌റൂത്ത്' കാമ്പെയ്‌നില്‍ നിന്നും ലഭിച്ച 8.7 മില്യണ്‍ ദിര്‍ഹം ഉപയോഗിച്ചാണ് ആശുപത്രിയുടെ പുനര്‍നിര്‍മാണം നടത്തിയത്. 

'പുനര്‍നിര്‍മ്മിച്ച യൂണിറ്റില്‍ അത്യാധുനിക മെഡിക്കല്‍ ഉപകരണങ്ങള്‍,  മെച്ചപ്പെടുത്തിയ ട്രോമ കെയര്‍ സൗകര്യങ്ങള്‍ എന്നിവയുണ്ട്. ബെയ്‌റൂത്തിന്റെ ആരോഗ്യ സംരക്ഷണ ശേഷികള്‍ ശക്തിപ്പെടുത്തുന്നതില്‍ ഈ സൗകര്യം ഒരു സുപ്രധാന ചുവടുവയ്പ്പാകും,' ഒരു പ്രസ്താവനയില്‍ ദി ബിഗ് ഹേര്‍ട്ട് ഫൗണ്ടേഷന്‍ (ടിബിഎച്ച്എഫ്) അധികൃതര്‍ പറഞ്ഞു.

'ഷെയ്ഖ് ഡോ. സുല്‍ത്താന്‍ അല്‍ ഖാസിമിയുടെയും ഞങ്ങളുടെ ചെയര്‍പേഴ്‌സണ്‍ ഷെയ്ഖ ജവഹറിന്റെയും നേതൃത്വത്തില്‍ ഷാര്‍ജയില്‍ നിന്നുള്ള സ്‌നേഹത്തിന്റെയും ഐക്യദാര്‍ഢ്യത്തിന്റെയും സന്ദേശമാണ് ഈ സംരംഭം നല്‍കുന്നത്. പ്രതികൂല സാഹചര്യങ്ങളെ എപ്പോഴും സഹിഷ്ണുതയോടെയും അഭിമാനത്തോടെയും നേരിട്ട ലെബനന്‍ ജനതയ്ക്കുള്ള സന്ദേശമാണിത്. മാനുഷിക പ്രവര്‍ത്തനങ്ങള്‍ അര്‍ത്ഥവത്തായതും ദീര്‍ഘകാലാടിസ്ഥാനത്തിലുള്ളതും നമ്മള്‍ സേവിക്കുന്നവരുടെ അന്തസ്സില്‍ അധിഷ്ഠിതവുമായിരിക്കണം എന്ന ഞങ്ങളുടെ വിശ്വാസത്തിന്റെ പ്രതീകമാണ് ഈ പദ്ധതി,' ടിബിഎച്ച്എഫ് ഡയറക്ടര്‍ ആലിയ അല്‍ മുസൈബി പറഞ്ഞു.

'ബെയ്‌റൂത്ത് തുറമുഖ സ്‌ഫോടനം മൂലമുണ്ടായ നാശം ഘടനാപരമായത് മാത്രമായിരുന്നില്ല, 'സലാം ബെയ്‌റൂത്തി'ലൂടെയുള്ള ഞങ്ങളുടെ പ്രതികരണം ആളുകളെ സേവിക്കുന്നത് മാത്രമല്ല, അവര്‍ക്ക് സ്ഥിരതയും ആത്മാഭിമാനവും തിരികെ നല്‍കുന്ന നിക്ഷേപം കൂടിയായിരുന്നു,' അവര്‍ കൂട്ടിച്ചേര്‍ത്തു.

2020 ഓഗസ്റ്റ് 4ന് ലെബനന്റെ തലസ്ഥാനമായ ബെയ്‌റൂത്തിലുണ്ടായ വന്‍ സ്‌ഫോടനത്തില്‍ 150 ലധികം പേര്‍ കൊല്ലപ്പെടുകയും ഏകദേശം 300,000 നിവാസികളെ മാറ്റിപ്പാര്‍പ്പിക്കുകയും ചെയ്തിരുന്നു. ബെയ്‌റൂത്തിലെ തുറമുഖത്ത് അമോണിയം നൈട്രേറ്റിന്റെ ഒരു വലിയ ഡിപ്പോയ്ക്ക് തീപിടിച്ചതിനെ തുടര്‍ന്നാണ് വലിയ സ്‌ഫോടനമുണ്ടായത്.

The Big Heart Foundation (TBHF), based in Sharjah, UAE, has inaugurated a newly reconstructed Emergency and Trauma Unit at Saint George Hospital University Medical Centre in Beirut. Funded by TBHF's $2.36 million Salam Beirut campaign, the unit now boasts state-of-the-art medical equipment and expanded capacity, aiming to serve over 40,000 patients annually.