ന്യൂഡല്‍ഹി: ഓപ്പറേഷന്‍ സിന്ദൂറിനിടെ ഇന്ത്യക്കും യുദ്ധ വിമാനങ്ങള്‍ നഷ്ടമായെന്ന് സംയുക്ത സൈനിക മേധാവി അനില്‍ ചൗഹാന്‍. നാലു ദിവസത്തോളം നീണ്ടുനിന്ന സംഘര്‍ഷത്തിനിടെ ഒരിക്കല്‍ പോലും ആണവ യുദ്ധത്തിന്റെ സാഹചര്യം ഉണ്ടായില്ലെന്നും അനില്‍ ചൗഹാന്‍ പറഞ്ഞു. ഇതിനു ശേഷം ഇന്ത്യ യുദ്ധ തന്ത്രങ്ങള്‍ മാറ്റിയെന്നും അദ്ദേഹം പറഞ്ഞു. 

അന്താരാഷ്ട്ര വാര്‍ത്താ ഏജന്‍സിയായ റോയിട്ടേഴ്‌സിന് നല്‍കിയ അഭിമുഖത്തിലാണ് അനില്‍ ചൗഹാന്റെ വെളിപ്പെടുത്തല്‍. കൂടുതല്‍ വിവരങ്ങള്‍ പുറത്തുവിടാന്‍ അദ്ദേഹം തയ്യാറായില്ല. 

ഇന്ത്യയുടെ ആറ് വിമാനങ്ങള്‍ വെടിവച്ചിട്ടെന്ന പാക് അവകാശവാദം അദ്ദേഹം തള്ളിക്കളഞ്ഞു. 

'എന്തുകൊണ്ട് നഷ്ടങ്ങള്‍ സംഭവിച്ചുവെന്നും അതിനുശേഷം എന്താണ് ചെയ്യേണ്ടത് എന്നുമായിരുന്നു പ്രധാനം, അതിനാല്‍ ഞങ്ങള്‍ പിഴവുകള്‍ പരിഹരിക്കുകയും പിന്നീട് മെയ് 7,8,9 ദിവസങ്ങളില്‍ പാകിസ്താനിലെ വ്യോമതാവളങ്ങളില്‍ അടക്കം പ്രഹരമേല്‍പ്പിക്കുകയും ചെയ്തു' അദ്ദേഹം പറഞ്ഞു. പോരാട്ടത്തില്‍ നഷ്ടങ്ങള്‍ സംഭവിച്ചേക്കാമെന്ന് നേരത്തേ എയര്‍ മാര്‍ഷല്‍ എകെ ഭാരതിയും പറഞ്ഞിരുന്നു.

പഹല്‍ഗാം ഭീകരമാക്രമണത്തെ തുടര്‍ന്നുണ്ടായ ഇന്ത്യ-പാക് സംഘര്‍ഷത്തിന്റെ ഒരു സമയത്തും ആണവായുധം പ്രയോഗിക്കാനുള്ള ആലോചനകള്‍ ഉണ്ടായിരുന്നില്ലെന്നും അദ്ദേഹം പറഞ്ഞു.

The Joint Chiefs of Staff have confirmed that India lost fighter jets during Operation Sindoor, prompting a major shift in military strategy and combat tactics. Read the full report on the operational impact and strategic changes.