ബെംഗളൂരു: പിറന്നാൾ ആഘോഷിച്ചതിന് പിന്നാലെ സഹപാഠികൾക്ക് മധുരം നൽകി ഹോസ്റ്റലിലേക്ക് മടങ്ങിയ എഞ്ചിനീയറിംഗ് വിദ്യാര്‍ത്ഥിനിയായ 19കാരി  തേജസ്വിനിയെ ആത്മഹത്യ ചെയ്ത നിലയിൽ. കർണാടകയിലെ കുടക് ജില്ലയിലെ പൊന്നമ്പേട്ടയിലെ ഹള്ളിഗട്ട് കോളജ് ഓഫ് എഞ്ചിനീയറിംഗ് ആൻഡ് ടെക്‌നോളജിയിൽ ഒന്നാം വർഷ ആർട്ടിഫിഷ്യൽ ഇൻറലിജൻസ് ആൻഡ് മെഷീൻ ലേണിംഗ് വിദ്യാർത്ഥിനിയായിരുന്നു തേജസ്വിനി.

ജന്മദിനം ആഘോഷിച്ചതിനു ശേഷമാണ് തേജസ്വിനി ഹോസ്റ്റൽ മുറിയിലേക്ക് പോയത്. വൈകിട്ട് 4.30ന് എത്തിയ സുഹൃത്തുകൾ വാതിൽ അടച്ച നിലയിൽ കണ്ടതിനെ തുടർന്ന് ഹോസ്റ്റൽ അധികൃതരെ അറിയിച്ചു. വാതിൽ തകർത്ത് അകത്തു കയറിയപ്പോഴാണ് തേജസ്വിനിയെ തൂങ്ങിയ നിലയിൽ കണ്ടെത്തിയത്.

മുറിയിൽ നിന്ന് കണ്ടെത്തിയ ആത്മഹത്യ കുറിപ്പിൽ പഠനഭാരവും, പരീക്ഷയിൽ ആറു വിഷയങ്ങളിലും പരാജയപ്പെട്ടതിൽ നിന്നുള്ള മാനസിക വേദനയും വ്യക്തമാക്കിയിട്ടുണ്ട്. തേജസ്വിനി റായ്ച്ചൂരിലെ താമസക്കാരനായ മഹാന്തപ്പയുടെ ഏക മകളായിരുന്നു.പൊന്നമ്പേട്ട് പൊലീസ് സ്ഥലത്തെത്തി തുടർനടപടികൾ  സ്വീകരിച്ചു. സംഭവത്തിൽ വിശദമായ അന്വേഷണം നടക്കുന്നുണ്ടെന്ന് പൊലീസ് അറിയിച്ചു.

(ആത്മഹത്യ ഒരു പ്രശ്നത്തിനും പരിഹാരമല്ല. പ്രതിസന്ധികൾ അത്തരം തോന്നൽ ഉണ്ടാക്കിയാൽ കൗൺസലിംഗ് പിന്തുണക്കായി ഈ നമ്പറുകളിൽ വിളിക്കാം 1056, 0471- 2552056)  

A 19-year-old engineering student, Tejaswini, died by suicide in her hostel room in Kodagu district, Karnataka, after celebrating her birthday and distributing sweets to classmates. Hours later, she was found hanging. A suicide note recovered from her room mentioned that she was distressed after failing in six exam papers. She was a first-year AI & Machine Learning student at Halligattu College of Engineering and Technology. Police have launched a detailed investigation.