കോഴിക്കോട്: നാളെ വിരമിക്കാനിരിക്കുന്ന കോഴിക്കോട് കോർപറേഷൻ സൂപ്രണ്ടിങ് എഞ്ചിനീയറുടെ വീട്ടിൽ വിജിലൻസ് റെയ്ഡ്. എംഎസ് ദിലീപിന്റെ വീടുകളിലും റിസോർട്ടിലും ഓഫിസിലും ആയിരുന്നു പരിശോധന നടന്നത്. റെയ്ഡിൽ 6,20,000 രൂപ, നാല് ഫോൺ, ഒരു ഫോൺ എന്നിവയാണ് പിടിച്ചെടുത്തത്.

വരവിൽ കൂടുതലുള്ള സ്വത്ത് സമ്പാദിച്ചതിന്റെ രേഖകളും കണ്ടെത്തി.  ദിലീപിന്റെ ചക്കരോത്ത്ക്കുളം, വയനാട് നെന്മിനി എന്നിവിടങ്ങളിലെ വീടുകൾ, ഹോം സ്റ്റേ എന്നിവിടങ്ങളിലാണ് പരിശോധന നടന്നത്.

2013-2023 കാലയളവിൽ ദിലീപ് 56 ലക്ഷത്തിൽ അധികം രൂപ അനധികൃതമായി സമ്പാദിച്ചെന്ന് വിജിലൻസിന്റെ പ്രാഥമിക പരിശോധനയിൽ കണ്ടെത്തിയിരുന്നു. പിന്നാലെയാണ് എഫ്‌ഐആർ രജിസ്റ്റർ ചെയ്ത വീടുകളിൽ പരിശോധന നടത്തിയത്. 

കോഴിക്കോട് വിജിലൻസ് സ്പെഷ്യൽ സെല്ലിന്റെ നേതൃത്തിലാണ് പരിശോധന നടന്നത്. കോഴിക്കോടും വായനാടുമായി അഞ്ചു സ്ഥലങ്ങളിൽ 14 മണിക്കൂറോളം നീണ്ടുനിൽക്കുന്നതായിരുന്നു പരിശോധന.

Vigilance raid on Kozhikode Corporation Superintending Engineer's house as he is set to retire tomorrow