ദുബൈ: ദുബൈയിലെ 622 ഇടങ്ങളില്‍ 893 എ.സി ബസ് ഷെല്‍റ്ററുകള്‍ ഈ വേനല്‍ സീസണില്‍ തന്നെ പൂര്‍ണമായും പ്രവര്‍ത്തന ക്ഷമമാകുമെന്ന് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) അറിയിച്ചു. ഇവയുടെ പരിശോധന മാര്‍ച്ചില്‍ ആരംഭിച്ച് 2025ന്റെ രണ്ടാം പാദം വരെ തുടരുമെന്ന് ആര്‍.ടി.എയിലെ ബില്‍ഡിംഗ്‌സ് ആന്‍ഡ് ഫെസിലിറ്റീസ് ഡയരക്ടര്‍ ശൈഖാ അഹമ്മദ് അല്‍ ഷൈഖ് പറഞ്ഞു.

24 മണിക്കൂറും എ.സി ഷെല്‍റ്ററുകളുടെ കാര്യക്ഷമത ഉറപ്പാക്കാനും, സാങ്കേതിക പ്രശ്‌നങ്ങള്‍ കണ്ടെത്തിയാല്‍ ഉടനടി തിരുത്തല്‍ നടപടികള്‍ സ്വീകരിക്കാനും, ബസുകളുടെ വരവും പുറപ്പെടലും സംബന്ധിച്ച തത്സമയ വിവരങ്ങള്‍ നല്‍കുന്ന ഡിജിറ്റല്‍ ഡിസ്‌പ്ലേ സ്‌ക്രീനുകളുടെ പ്രവര്‍ത്തന ക്ഷമത ഉറപ്പാക്കാനും ഉദ്യോഗസ്ഥര്‍ സമയം കണ്ടെത്തിയെന്ന് അവര്‍ വെളിപ്പെടുത്തി. ഇതോടൊപ്പം, പൊതുജനാരോഗ്യസുരക്ഷാ മാനദണ്ഡങ്ങള്‍ക്കനുസൃതമായി ഷെല്‍റ്ററുകള്‍ പരിപാലിക്കാന്‍ തുടര്‍ച്ചയായ ക്ലീനിംഗ്, സാനിറ്റൈസേഷന്‍ പട്രോളിംഗുകള്‍ വിന്യസിച്ചു.

ഉപയോക്താക്കളുടെ ആവശ്യങ്ങളോട് പ്രതികരിക്കുന്നതിന് ആര്‍.ടി.എ പൂര്‍ണമായും പ്രതിജ്ഞാബദ്ധമാണെന്നും, അതിനായി എ.സി ഷെല്‍റ്ററുകളുമായി ബന്ധപ്പെട്ട ഏതെങ്കിലും അഭിപ്രായങ്ങളോ നിര്‍ദേശങ്ങളോ റിപ്പോര്‍ട്ട് ചെയ്യാന്‍ പൊതുജനങ്ങള്‍ക്ക് സമര്‍പ്പിത ആശയ വിനിമയ ചാനലുകള്‍ നല്‍കിയിട്ടുണ്ടെന്നും ശൈഖാ അഹമ്മദ് പറഞ്ഞു.

ആര്‍.ടി.എ ദുബൈ ആപ്പില്‍ ലഭ്യമായ 'മദീനത്തി' സേവനത്തിലൂടെ അഭിപ്രായങ്ങളും നിര്‍ദേശങ്ങളും സമര്‍പ്പിക്കാവുന്നതാണ്. എ.സി ബസ് ഷെല്‍റ്ററുകള്‍ ദുബൈ യൂണിവേഴ്‌സല്‍ ഡിസൈന്‍ കോഡ് ഫോര്‍ പീപ്പിള്‍ ഓഫ് ഡിറ്റര്‍മിനേഷനനുസൃതമാണ്. വീല്‍ ചെയര്‍ ഉപയോക്താക്കള്‍ക്കായി നിയുക്ത സ്ഥലങ്ങളും എമിറേറ്റിനുള്ളിലെ ബസ് മൊബിലിറ്റി നെറ്റ്‌വര്‍ക്കിനെ ചിത്രീകരിക്കുന്ന ദിശാ സൂചന അടയാളങ്ങളും ഇതില്‍ ഉള്‍പ്പെടുന്നു. ചൂടിനും കാറ്റിനും പ്രതിരോധം വര്‍ധിപ്പിക്കുന്ന ഘടനയോടെ ഷെല്‍റ്ററുകള്‍ പരിസ്ഥിതി സൗഹൃദപരമാണ്.

Dubai Roads and Transport Authority (RTA) has announced that 893 AC bus shelters at 622 locations in Dubai will be fully operational by this summer season. The trial of these will begin in March and continue until the second quarter of 2025, said Sheikha Ahmed Al Sheikh, Director of Buildings and Facilities at the RTA.