ചണ്ഡിഗഢ്: ശ്രീലങ്കന്‍ താരം കുശാല്‍ മെന്‍ഡിസിന് 2025 ഐപിഎല്‍ എലിമിനേറ്റര്‍ മത്സരദിനം മറക്കാനാവാത്ത ദുരന്തമായി മാറിയിരിക്കുകയാണ്. ഗുജറാത്ത് ടൈറ്റന്‍സിനായി കളിച്ച ആദ്യ മത്സരത്തിൽ മെന്‍ഡിസ്, വിക്കറ്റ് കീപ്പറായി രണ്ട് പ്രധാന ക്യാച്ചുകള്‍ കൈവിട്ടതിനു ശേഷമാണ് ബാറ്റിംഗിലും പരാജയമായി മാറിയത്.മത്സരത്തിൽ താരം ഹിറ്റ് വിക്കറ്റായി പുറത്തായതോടെ, അദ്ദേഹത്തിന്റെ പ്രകടനം താരതമ്യേന സ്‌കൂള്‍ ക്രിക്കറ്റ് നിലവാരത്തിലെന്നായിരുന്നുവെന്നാണ് ആരാധകരുടെ വിലയിരുത്തല്‍.

ഐപിഎല്ലിലെ ഏറ്റവും നിർണായക മത്സരമായ എലിമിനേറ്ററില്‍ ഗുജറാത്ത് ടൈറ്റന്‍സിന്‍റെ പ്രധാന വിക്കറ്റ് കീപ്പറും ബാറ്ററുമായ ജോസ് ബട്‌ലര്‍ ഇല്ലാതായതോടെ, വലിയ സമ്മർദ്ദത്തിലാണ് കുശാല്‍ മെന്‍ഡിസ് മത്സരത്തിന് ഇറങ്ങിയത്. ബട്‌ലര്‍ ഈ സീസണില്‍ 500-ലേറെ റണ്‍സുമായി അഞ്ച് അര്‍ദ്ധശതകങ്ങള്‍ നേടിയ സ്ഥാനത്താണ് കുശാലിനെ ​ഗുജറാത്ത് റീപ്ലേസ് ചെയ്തത്. എന്നാൽ ആ തീരുമാനം ​ഗുജറാത്തിനു തന്നെ വലിയ തിരിച്ചടിയായി മാറുന്ന കാഴ്ച്ചയാണ് ഇന്നലെ കാണാനായത്.

മുംബൈ ഇന്ത്യന്‍സ് ആദ്യം ബാറ്റ് ചെയ്ത് 228 റണ്‍സ് പടുത്തുയര്‍ത്തിയ മത്സരത്തില്‍, 81 റണ്‍സുമായി ടോപ്പ് സ്‌കോററായ രോഹിത് ശര്‍മ്മയും, 33 റണ്‍സെടുത്ത സൂര്യകുമാര്‍ യാദവിന്റേയും വിലപ്പെട്ട ക്യാച്ചുകളാണ് കുശാല്‍ മെന്‍ഡിസ് വിട്ടു കളഞ്ഞത് . ഈ ക്യാച്ചുകള്‍ പിടിച്ചിരുന്നുവെങ്കില്‍ കളി മാറി മറിഞ്ഞേനെ.

ബാറ്റിംഗിനിറങ്ങിയ ഗുജറാത്ത് ടൈറ്റന്‍സിന് തുടക്കം  പിഴച്ചു . ക്യാപ്റ്റന്‍ ശുഭ്‌മാന്‍ ഗില്ലിൻ്റെ ഔട്ടിനുശേഷം വണ്‍ ഡൗണില്‍ എത്തിയ മെന്‍ഡിസ് 10 പന്തില്‍ 20 റണ്‍സെടുത്തെങ്കിലും, മിച്ചല്‍ സാന്‍റ്‌നറെ ബോളിന്‍ ക്രീസില്‍ നിന്നും പിന്നിലോട്ട് പോയി ഹിറ്റ് വിക്കറ്റായാണ് പുറത്തായത്.

ടൈറ്റന്‍സിന്‍റെ ഐപിഎല്‍ സ്വപ്‌നങ്ങൾക്ക് ഇതു തിരിച്ചടിയായി മാറി, കുശാല്‍ മെന്‍ഡിസിന്‍റെ കരിയറില്‍ മറക്കാനാകാത്ത കറുത്ത ദിനമായി. . ബട്‌ലറുടെ അഭാവത്തില്‍ ടൈറ്റന്‍സ് പ്രതീക്ഷയോടെ ഇറക്കിയ താരം പൂര്‍ണമായും മത്സരത്തിൽ നിറം മങ്ങിയത് ആരാധകരെ വലിയ രീതിയിൽ ചോടിപ്പിച്ചിരിക്കുകയാണ്.

Sri Lankan cricketer Kusal Mendis faced heavy criticism after Gujarat Titans' defeat in the IPL 2025 Eliminator. Playing in place of Jos Buttler, Mendis dropped two crucial catches—one of Rohit Sharma and another of Suryakumar Yadav—and was later dismissed hit-wicket after scoring just 20 runs. Fans and experts called his performance a disaster, blaming him as a major reason for the team's loss.