നെയ്യുമായി ഒരിക്കലും ചേര്‍ത്തു കഴിക്കാന്‍ പാടില്ലാത്ത ചില ഭക്ഷണങ്ങളുണ്ട്. എന്തൊക്കെയാണ് അവയെന്നു നോക്കാം. ആരോഗ്യത്തിന് വളരെ നല്ലതാണ് നെയ്യ്. നമ്മുടെ ശരീരത്തിനാവശ്യമായ വിറ്റാമിനുകളും ധാതുക്കളും നെയ്യില്‍ അടങ്ങിയിട്ടുണ്ട്.

നമ്മള്‍ കഴിക്കുന്ന പരിപ്പ്, റൊട്ടി, കിച്ചടി, അരി ഇവയിലൊക്കെ നെയ്യ് ചേര്‍ത്താണ് നാം കഴിക്കുന്നത്. അല്ലെങ്കില്‍ അതില്‍ നിന്നുണ്ടാക്കുന്ന വിഭവങ്ങള്‍ കഴിക്കുന്നത് നെയ്യ് ചേര്‍ത്താണ്. എന്നാല്‍ ചില സാധനങ്ങളുടെ കൂടെ അബദ്ധത്തില്‍ പോലും നെയ്യ് കഴിക്കാന്‍ പാടില്ല. ഇത് ഗുണത്തേക്കാളേറെ നിങ്ങള്‍ക്കു ദോഷം ചെയ്യും. അതുകൊണ്ട് ഏതൊക്കെ വസ്തുക്കളോടൊപ്പം നെയ്യ് കഴിക്കരുത് എന്നത് ശ്രദ്ധിക്കുക. 

ചായി - കാപ്പി- നെയ്യ്

നെയ്യ് കലര്‍ത്തിയ ചായയോ കാപ്പിയോ കുടിക്കാന്‍ പാടുള്ളതല്ല. ഇതും ദഹനത്തെ ബാധിക്കും. വയര്‍ വീര്‍ക്കല്‍, അസിഡിറ്റി പോലുള്ള പ്രശ്‌നങ്ങള്‍ ഇവ ഒരുമിച്ചു കഴിക്കുന്നതു കൊണ്ട് ഉണ്ടാവാം. 

മത്സ്യം - നെയ്യ് 

ആയുര്‍വേദത്തില്‍ പറയുന്നത് നെയ്യും മീനും ഒരുമിച്ചു കഴിക്കുന്നത് തെറ്റാണെന്നാണ്. ആയുര്‍വേദം നെയ്യിനെ ചൂടുള്ളതായും മത്സ്യത്തെ തണുപ്പുള്ളതായും കണക്കാക്കുന്നു. ഇവ രണ്ടും ഒരുമിച്ചു കഴിക്കുമ്പോള്‍ അത് ദഹനപ്രശ്‌നങ്ങള്‍ക്കു കാരണമാവും.അതുകൊണ്ട് ഇവ ഒരുമിച്ചു കഴിക്കാതിരിക്കുക.  

തൈര് - നെയ്യ് 

നെയ്യും തൈരും പാലില്‍നിന്നു തന്നെയാണ് ഉണ്ടാക്കുന്നത്. എന്നാല്‍ ഇവ രണ്ടും ഒരുമിച്ചു കഴിക്കാന്‍ പാടുള്ളതല്ല. തികച്ചും വിപരീതമാണ് ഫലമാണ് രണ്ടും. നെയ്യ് ചൂടുള്ളതും എണ്ണമയമുള്ളതുമായി കണക്കാക്കുമ്പോള്‍ തൈര് തണുത്തതും കട്ടിയുള്ളതുമായി കണക്കാക്കപ്പെടുന്നു. രണ്ടും ഒരുമിച്ച കഴിക്കുന്നത് ദഹനപ്രശ്‌നങ്ങള്‍ക്കു കാരണമാവുകയും മെറ്റബോളിസത്തെ മന്ദഗതിയിലാക്കുകയും ചെയ്യുന്നു. 

തേന്‍ -നെയ്യ്

തേനും നെയ്യുമൊക്കെ ആരോഗ്യത്തിന് വളരെയധികം ഗുണം ചെയ്യുന്നവയാണ്. എന്നാല്‍ ഇവ രണ്ടും ഒരുമിച്ചു കഴിക്കാന്‍ പാടില്ലെന്നാണ് ആയുര്‍വേദം പറയുന്നത്. ഇവ രണ്ടും ഒരുമിച്ചു കഴിക്കുകയാണെങ്കില്‍ ശരീരത്തില്‍ വിഷാംശം ഉണ്ടാകുന്നു. ഇത് ദഹനത്തെ ബാധിക്കുകയും ചെയ്യും. അതുകൊണ്ട് നിങ്ങള്‍ ഭക്ഷണത്തില്‍ നെയ്യും തേനും ഉള്‍പ്പെടുത്തുമ്പോള്‍ വ്യത്യസ്ത സമയങ്ങളില്‍ കഴിക്കുക. 

മുള്ളങ്കിയുമായും നെയ്യ് ചേര്‍ത്തു കഴിക്കാന്‍ പാടില്ല. മുള്ളങ്കിക്ക് എരിവും ചൂടുമുള്ളതിനാല്‍ നെയ്യുമായി കഴിക്കുന്നത് വയറ്റില്‍ ഗ്യാസ് ഉണ്ടാവാനും വയര്‍ വീര്‍ക്കാനും കാരണമാകുന്നു. 

Ghee is rich in nutrients and beneficial fats, commonly used in many Indian dishes. While it enhances flavor and offers health benefits, certain food combinations with ghee can be harmful. One such harmful mix is ghee with tea or coffee.