മസ്കത്ത്: മസ്കത്ത് കെഎംസിസി മബേല ഏരിയ കമ്മറ്റിയുടെ 2025-2027 മെമ്പർഷിപ്പ് അടിസ്ഥാനത്തിൽ പുതിയ നേതൃത്വം നിലവിൽ വന്നു. യാക്കൂബ് തിരൂരിനെ പ്രസിഡന്റ് ആയും സഫീർ കോട്ടക്കലിലെ ജനറൽ സെക്രട്ടറി ആയും തെരെഞ്ഞെടുത്തു. എസ് വി അറഫാത്ത് ആണ് പുതിയ ട്രഷറർ. വൈസ് പ്രസിഡന്റ് മാരായി മുർഷിദ് തങ്ങൾ പെരിന്തൽമണ്ണ, മുഹമ്മ്ദ് ജസീർ, അനീസ് ഒറ്റപ്പാലം, നംഷീർ കുറ്റിയാടി, സൈനുൽ ആബിദ് കെ ടി, ഷാഫി ബേപ്പൂർ എന്നിവരെയും തെരെഞ്ഞെടുത്തു. അബ്ദുൽ സലാം, ജാബിർ കെപി, അബ്ദുൽ റഷീദ്, ഫൈസൽ മുഹമ്മ്ദ് വൈക്കം, മുഹമ്മദ് റിസ്‌വാൻ, ഷക്കീർ ഫൈസി എം എ എന്നിവരെ സെക്രട്ടറിമാരായും തെരെഞ്ഞെടുത്തു. അഷ്‌റഫ് പോയിക്കര, സലിം അന്നാര എന്നിവരാണ് അഡ്വൈസറി ബോർഡ് അംഗങ്ങൾ. 

മബേലയിൽ ചേർന്ന ജനറൽ ബോഡി യോഗത്തിൽ ഷക്കീർ ഫൈസി തലപ്പുഴ പ്രാർത്ഥന നിർവഹിച്ചു.  സലിം അന്നാര അധ്യക്ഷനായിരുന്നു.  ഇബ്രാഹിം ഒറ്റപ്പാലം യോഗം ഉദ്ഘാടനം ചെയ്തു. മുജീബ് കടലുണ്ടിയും ഖാലിദ് കുന്നുമ്മലും റിട്ടേണിങ് ഓഫീസർ മാരായിരുന്നു. അഷ്‌റഫ് പോയിക്കര സ്വാഗതവും അനസ് കുറ്റിയാടി നന്ദിയും പറഞ്ഞു.