മലപ്പുറം: കുറ്റിപ്പുറത്ത് വീടിന്റെ മുറ്റത്ത് നിർത്തിയിട്ട കാറിനുള്ളിൽ യുവാവ് മരിച്ച നിലയിൽ. മല്ലൂർക്കടവ് റോഡിൽ തെക്കേ അങ്ങാടിയിലെ ആലുക്കൽ ജാഫറിനെയാണ് മരിച്ച നിലയിൽ കണ്ടെത്തിയത്. ജാഫറിന്റെ സുഹൃത്ത് തെക്കേ അങ്ങാടി വരിക്കപ്പുലാക്കിൽ അഷ്‌റഫിന്റെ കാറിനകത്താണ് മൃതദേഹം കണ്ടെത്തിയത്.

വീട്ടുമുറ്റത്തു നിർത്തിയിട്ട കാറിന്റെ മുൻ സീറ്റിൽ ഇടത് ഭാഗത്തായി ഇരിക്കുന്ന നിലയിലാണ് മൃതദേഹം ഉണ്ടായിരുന്നത്.  തലേ ദിവസം ഇരുവരും ഭക്ഷണം കഴിക്കാനായി പുറത്തു പോയിരുന്നു. ഹൃദയാഘാതമാണ് മരണകാരണമെന്നാണ് കരുതുന്നത്.  

വെള്ളിയാഴ്ച രാത്രിയിലാണ് ഇരുവരും ഭക്ഷണം കഴിക്കാനായി അഷ്‌റഫിന്റെ കാറിൽ പുറത്തു പോയത്. രാത്രി വളരെ വൈകിയായിരുന്നു ഇരുവരും തിരിച്ചെത്തിയത്. വീട്ടിൽ എത്തിയ ശേഷം പോർച്ചിൽ കാർ നിർത്തി അഷ്‌റഫ് വീട്ടിലേക്ക് കയറുകയായിരുന്നു.

ഇവിടെ നിന്നും വളരെ അടുത്താണ് ജാഫറിന്റെ വീട്. ജാഫർ വീട്ടിലേക്ക് നടന്നുപോവുമെന്ന് കരുതിയാണ് അഷ്‌റഫ് വീട്ടിലേക്ക് കയറിയത്. എന്നാൽ രാവിലെ നോക്കിയപ്പോഴാണ് ജാഫറിനെ മരിച്ച നിലയിൽ കണ്ടെത്തിയത്. ഉടനെ തന്നെ അഷ്‌റഫ് പൊലിസിനെ വിവരം അറിയിക്കുകയായിരുന്നു. കുറ്റിപ്പുറം പൊലിസ് സംഭവ സ്ഥലത്തെത്തി പരിശോധന നടത്തുകയും ചെയ്തു. 

Returned home after having dinner together at night friends body found in car in the morning