ദുബൈ: ദുബൈയിലെ പ്രമുഖ ഷോപ്പിങ് ഇടങ്ങളില്‍ നടന്നുവരുന്ന മൂന്ന് ദിവസത്തെ 90% സൂപ്പര്‍ സെയില്‍ ഇന്നു കൂടി. വസ്ത്രങ്ങള്‍, ആക്‌സസറികള്‍, പെര്‍ഫ്യൂമുകള്‍ എന്നീ വിഭാഗങ്ങളാണ് സൂപ്പര്‍ സെയിലില്‍ വലിയ നിലയില്‍ ആകര്‍ഷിക്കപ്പെടുന്നത്. വെള്ളി, ശനി ദിവസങ്ങളില്‍ വളരെ ഉയര്‍ന്ന ഷോപ്പിങ് തിരക്കുണ്ടായി. വസ്ത്ര വിഭാഗത്തില്‍ കഴിഞ്ഞ 48 മണിക്കൂറിനുള്ളില്‍ മികച്ച വില്‍പന നേടിയതായി ഫാഷന്‍ റീടെയിലര്‍മാര്‍ പറഞ്ഞു.

2,500ലധികം ഷോപ്പുകളിലെ 500ലധികം മുന്‍നിര ബ്രാന്‍ഡുകളില്‍ 90% വരെ അവിശ്വസനീയ കിഴിവുകള്‍ ലഭ്യമാണ്. വാങ്ങുന്നവര്‍ക്ക് വന്‍ ലാഭവും എക്‌സ്‌ക്ലൂസിവ് റിവാര്‍ഡുകളും വാഗ്ദാനമുണ്ട്. ഏപ്രില്‍, മെയ് മാസങ്ങളില്‍ വില്‍പനയില്‍ മാന്ദ്യമുണ്ടായിരുന്നുവെന്നും എന്നാല്‍, ത്രിദിന സൂപ്പര്‍ സെയിലോടെ വലിയ അളവില്‍ വ്യാപാരം നടക്കുന്നത് ആശ്വാസകരമെന്നും മാള്‍ റീടെയ്‌ലര്‍മാര്‍ അഭിപ്രായപ്പെട്ടു.

90% കിഴിവുകള്‍ക്കു ശേഷം ദുബൈയിലെയും യു.എ.ഇയിലെയും ഷോപ്പര്‍മാര്‍ക്ക് ഈദ് അല്‍അദ്ഹ അവധി ദിനങ്ങളിലേക്ക് എത്തുമ്പോള്‍ കൂടുതല്‍ പ്രൈസ് ഓഫുകളും കാഷ്ബാക്ക് പ്രമോഷനുകളും പ്രതീക്ഷിക്കാമെന്നാണ് ഫെസ്റ്റിവല്‍ ആന്‍ഡ് റീട്ടെയില്‍ എസ്റ്റാബ്ലിഷ്‌മെന്റ് അധികൃതര്‍ അറിയിക്കുന്നത്.

The three-day 90% super sale taking place at major shopping malls in Dubai continues today.