ചട്ടിയില്‍ വെള്ളരി നട്ടുവളര്‍ത്താന്‍ ഉദ്ദേശിക്കുന്നുണ്ടെങ്കില്‍ ആദ്യം തന്നെ നല്ല വിത്തുകള്‍ തിരഞ്ഞെടുക്കുകയാണ് വേണ്ടത്. മാത്രമല്ല മണ്ണ്, ചാണക വളം, മണല്‍ എന്നിവ ഒരു ചട്ടിയില്‍ നിറയ്ക്കുക.

ഇനി പാത്രത്തില്‍ ഏകദേശം ഒരോ ഇഞ്ചു വലിപ്പത്തില്‍ ദ്വാരങ്ങളുണ്ടാക്കുക. അതില്‍ വിത്തുകള്‍ ഇട്ടു മുളപ്പിക്കാവുന്നതാണ്. ശേഷം വിത്തുകള്‍ ഇട്ട് മണ്ണു ലഘുവായി മൂടുക. 

ആവശ്യത്തിന് സൂര്യപ്രകാശവും തണലും ലഭിക്കുന്നിടത്ത് ചട്ടി സൂക്ഷിക്കുക. എല്ലാ ദിവസവും ഒരു നേരമെങ്കിലും ചട്ടിയില്‍ വെള്ളമൊഴിച്ചു കൊടുക്കണം. നേരിയ തോതില്‍ വെള്ളം ഒഴിക്കുക.

വിത്തുകള്‍ ഏകദേശം ഒരു ആഴ്ചയ്ക്കുള്ളില്‍ തന്നെ മുളച്ചു വരുന്നത് കാണാം.