ഇടുക്കി: തൊടുപുഴയിൽ കുടുംബ തർക്കത്തെ തുടർന്ന് മദ്യലഹരിയിൽ ഭാര്യയെ മണ്ണെണ്ണ ഒഴിച്ചു തീ കൊളുത്തി കൊലപ്പെടുത്തിയ സംഭവത്തിൽ ഭർത്താവ് അറസ്റ്റിൽ. സംഭവത്തിൽ മാങ്കുളം താളുംകണ്ടം ട്രൈബൽ സെറ്റിൽമെന്റിൽ താമസിക്കുന്ന രഘു തങ്കച്ചനാണ് പിടിയിലായത്. മൂന്നാർ പൊലിസാണ് പ്രതിയെ അറസ്റ്റ് ചെയ്തത്. 

അപകടത്തിൽ പൊള്ളലേറ്റ ഭാര്യാ കോട്ടയം ആശുപത്രിയിൽ ചികിത്സയിൽ കഴിയവേയാണ് മരണപ്പെട്ടത്. കഴിഞ്ഞ മുപ്പതാം തീയതിയാണ് സംഭവം നടന്നത്. കഴിഞ്ഞ വെള്ളിയാഴ്ച രാത്രിയിൽ മദ്യലഹരിയിൽ എത്തിയ രഘു ഭാര്യയുമായി വഴക്ക് ഉണ്ടാക്കുകയും മണ്ണെണ്ണ ദേഹത്ത് ഒഴിച്ചുകൊണ്ട് തീ കൊളുത്തുകയും ആയിരുന്നു. 

സംഭവത്തിൽ ബഹളം കേട്ട് വീട്ടിലെത്തിയ നാട്ടുകാർ തീ അണച്ച ശേഷം ഇവരെ ആശുപത്രയിൽ എത്തിക്കുകയായിരുന്നു. ഭർത്താവിന് ഭാര്യയിൽ ഉണ്ടായിരുന്ന സംശയത്തെ തുടർന്നാണ് ഈ അക്രമണം ഉണ്ടായരുതെന്നാണ് മൂന്നാർ സിഐ വ്യക്തമാക്കിയത്. പ്രതിയെ ദേവികുളം കോടതിയിൽ ഹാജരാക്കുകയും റിമാൻഡ് ചെയ്യുകയും ചെയ്തു. 

Husband arrested for setting wife on fire in Thodupuzha under the influence of alcohol