സോഷ്യല്‍ മീഡിയയില്‍ നമ്മളെ അമ്പരിപ്പിച്ചു കൊണ്ട് പല വിഡിയോസും വരാറുണ്ട്. പ്രത്യേകിച്ചു പാമ്പുകളുടെ.
പാമ്പുകളുടെ അനേകം വിഡിയോകള്‍ സോഷ്യല്‍ മീഡിയയില്‍ വൈറലാവാറുണ്ടെങ്കിലും ഇതുപോലെ ഒരു വിഡിയോ നമ്മള്‍ ഇതിന് മുമ്പ് കണ്ടിട്ടില്ല. രാജവെമ്പാലയാണ് താരം.

അതും തൊപ്പി വച്ച രാജവെമ്പാലയെ നിങ്ങള്‍ കണ്ടിട്ടുണ്ടോ? എന്നാല്‍ കണ്ടോളൂ..  ഇതൊരു തൊപ്പിയാണ്. രാജവെമ്പാലയെപ്പോലെ നെയ്‌തെടുത്തവയാണ് തൊപ്പി. നല്ല ക്യൂട്ട് തൊപ്പിയാണ്. ഈ തൊപ്പിയാണ് രാജവെമ്പാലയെ അണിയിച്ചിരിക്കുന്നത്. അടുത്തൊരു യുവാവുമുണ്ട്. എന്നാലും ഇതെങ്ങനെയെന്നാണ് നെറ്റിസണ്‍സിന്റെ അമ്പരപ്പ്. സഹബത് ആലം എന്ന യൂസറാണ് വിഡിയോ സോഷ്യല്‍ മീഡിയയില്‍ ഷെയര്‍ ചെയ്തിരിക്കുന്നത്. 

ഒരു യുവാവ് മരക്കൂട്ടത്തിനിടയില്‍ ഇരിക്കുന്നതാണ് വിഡിയോയില്‍ കാണുന്നത്. ഇയാളുടെ മുന്നിലായി ഒരു രാജവെമ്പാലയേയും കാണാം. മനോഹരമായിട്ടാണ് ഈ തൊപ്പി നെയ്‌തെടുത്തിരിക്കുന്നതും ആ തൊപ്പി അതിന്റെ തലയില്‍ ചുറ്റിയിരിക്കുന്നതുമാണ് ആളുകളെ അമ്പരപ്പിക്കുന്നത്. 

യുവാവ് അതിനെ പ്രകോപിപ്പിക്കാന്‍ നോക്കുന്നതും കാണാം. ഇടയ്ക്ക് പാമ്പ് അയാള്‍ക്ക് നേരെ തിരിയുകയും കടിക്കാനായുകയും ചെയ്യുന്നുണ്ട്. പാമ്പിന്റെ വാലില്‍ പിടിച്ചും മറ്റും യുവാവ് പാമ്പിനെ ശല്യപ്പെടുത്തുന്നുമുണ്ട്. പാമ്പാണെങ്കില്‍ യുവാവിന് നേരെ വേഗത്തില്‍ തിരിയുന്നമുണ്ട്. എന്നാല്‍, ഇയാള്‍ നിരന്തരമായി പാമ്പുകളുടെ വിഡിയോ പങ്കുവയ്ക്കാറുണ്ട്.

ഒരുപാടാളുകളാണ് കമന്റുകളുമായി എത്തിയിരിക്കുന്നത്. എങ്ങനെയാണ് ഈ തൊപ്പി അയാള്‍ പാമ്പിനെ ധരിപ്പിച്ചത് എന്നാണ് പലരും കൗതുകത്തോടെ ചോദിക്കുന്നതും. ഇത് വളരെ ക്യൂട്ട് ആണ് എന്ന് കമന്റ് രേഖപ്പെടുത്തിയവരുമുണ്ട്. എന്നാല്‍ ഇത് ജീവികളെ ഉപദ്രവിക്കുന്നതിന്റെ പരിധിയില്‍ വരുമെന്നും എന്തിനാണ് ആ പാമ്പിനെ ഇങ്ങനെ ശല്യപ്പെടുത്തുന്നത് എന്നും ചോദിക്കുന്നവരുമുണ്ട്.