ഗസ്സസിറ്റി: ഗസ്സയിൽ ഇസ്രായേൽ സൈന്യം നടത്തുന്ന വംശഹത്യ അവസാനിപ്പിക്കണമെന്ന് ലോക രാജ്യങ്ങൾ ആവശ്യപ്പെടുമ്പോഴും ആക്രമണം തുടർന്ന് ഇസ്‌റാഈൽ. സയണിസ്റ്റ് സൈന്യം നടത്തിയ ഏറ്റവും ഒടുവിലത്തെ ആക്രമണത്തിൽ 54 പേർ കൊല്ലപ്പെടുകയും നിരവധിപ്പേർക്ക് പരുക്കേൽക്കുകയും ചെയ്തു. ഗസ്സയുടെ വടക്കൻ ഭാഗത്തുള്ള വൃക്ക ഡയാലിസിസ് രോഗികൾക്കുള്ള ഏക സൗകര്യമായ ഡയാലിസിസ് സെന്റർ ഇസ്‌റാഈൽ തകർക്കുകയും ചെയ്തു. അന്താരാഷ്ട്ര ഉപരോധ സമ്മർദങ്ങൾ നിലനിൽക്കെയാണ് യുദ്ധനിയമങ്ങൾ എല്ലാം ലംഘിച്ചുള്ള  ക്രൂരത ഇസ്‌റാഈൽ തുടരുന്നത്.

വടക്കൻ ഗസ്സയിലെ ബെയ്ത് ലാഹിയയിലുള്ള നൂറ അൽ-കാബി കിഡ്‌നി ഡയാലിസിസ് സെന്ററിൽ ഇസ്‌റാഈൽ സൈന്യം ബോംബാക്രമണം നടത്തിയത്. ഇന്തോനേഷ്യൻ ആശുപത്രിയുടെ ഭാഗമായ ഈ കേന്ദ്രം വൃക്ക തകരാറിലായ 160-ലധികം രോഗികൾക്ക് സേവനം നൽകിയിരുന്നു. വടക്കൻ ഗസ്സയിലെ ഏക ഡയാലിസിസ് സൗകര്യമായിരുന്നു ഇതെന്ന് ഗസ്സയിലെ പലസ്തീൻ ആരോഗ്യ മന്ത്രാലയം അറിയിച്ചു.

ALSO READ: ഗസ്സയില്‍ പട്ടിണി വയറുമായി ഭക്ഷണം തേടിവന്ന 31 പേരെ വെടിവച്ചുകൊന്ന് ഇസ്‌റാഈല്‍ സൈന്യം

ആഴ്ചകൾക്ക് മുമ്പ് നടന്ന ഒരു ആക്രമണത്തിന് ശേഷം കേന്ദ്രം വീണ്ടും തുറന്നതിന് ആഴ്ചകൾക്ക് ശേഷമാണ് ഏറ്റവും പുതിയ ആക്രമണം ഉണ്ടായത് എന്ന് ആരോഗ്യ മന്ത്രാലയത്തിലെ ഡയറക്ടർ ജനറൽ മുനീർ അൽ-ബർഷ് അറിയിച്ചു. അൽ-ബർഷ് പ്രസിദ്ധീകരിച്ച ഫൂട്ടേജിൽ ഇസ്‌റാഈൽ ബുൾഡോസറുകൾ സ്ഥലത്ത് പ്രവർത്തിക്കുന്നുണ്ടെന്ന് കാണിക്കുന്നു.

ഗസ്സയിലെ വൃക്ക തകരാറിലായ 41 ശതമാനം രോഗികളും യുദ്ധകാലത്ത് ഡയാലിസിസ് സെന്ററുകളിലേക്കുള്ള പ്രവേശനം നിഷേധിക്കപ്പെട്ടതിനെയും സൗകര്യങ്ങൾ തകർക്കുകയും ചെയ്തതിനെയും തുടർന്ന് മരിച്ചതായി പലസ്തീൻ ആരോഗ്യ മന്ത്രാലയം അറിയിച്ചു. ഈ ഡയാലിസിസ് സെന്റർ ഉൾപ്പെടെ മിക്ക ആരോഗ്യസംവിധാനങ്ങളും ഇസ്‌റാഈൽ ഇതിനോടകം തകർത്തിട്ടുണ്ട്.

അതേസമയം, ഇസ്‌റാഈൽ ആക്രമണത്തിൽ ഇതുവരെ കുറഞ്ഞത് 54,418 ഫലസ്തീനികൾ കൊല്ലപ്പെടുകയും 124,190 പേർക്ക് പരിക്കേൽക്കുകയും ചെയ്തു. ഗസ്സ ഗവൺമെന്റ് മീഡിയ ഓഫീസ് കണക്ക് പ്രകാരം മരണസംഖ്യ 61,700 ആണ്. അവശിഷ്ടങ്ങൾക്കിടയിൽ കാണാതായ ആയിരക്കണക്കിന് ആളുകൾ മരിച്ചതായി കരുതപ്പെടുന്നു.

Despite growing international calls to end the genocide in Gaza, Israel continues its military assault. In the most recent attack by the Zionist forces, 54 people were killed and many others injured. Israel also destroyed the only dialysis center in northern Gaza, which served kidney patients in the region.