ദുബൈ: ബലി പെരുന്നാള്‍ അടുത്തതോടെ ഇന്ത്യന്‍ ആടുകള്‍ക്ക് ഡിമാന്‍ഡ് വര്‍ധിച്ചിരിക്കുകയാണ്. ആവശ്യക്കാര്‍ ഏറിയതോടെ ഇന്ത്യന്‍ ആടുകളുടെ വിലയും വര്‍ധിച്ചു. ഇന്ത്യന്‍ ആടുകള്‍ക്ക് പുറമേ ബംഗ്ലാദേശ്, പാകിസ്ഥാന്‍, ഇറാന്‍, സൊമാലിയ, സിറിയ, സഊദി എന്നിവിടങ്ങളില്‍ നിന്നുള്ള ആടുകള്‍ക്കും വിപണിയില്‍ ആവശ്യക്കാര്‍ ഏറെയാണ്. 

യുഎഇ രൂപീകരിക്കുന്നതിനു മുമ്പേ രൂപീകരിക്കപ്പെട്ട പൊലിസ് സേന; ദുബൈ പൊലിസിന് ഇന്ന് 69-ാം പിറന്നാള്‍

താരതമ്യേന മറ്റു രാജ്യങ്ങളിലെ ആടുകളെക്കാള്‍ വിലക്കുറവുള്ള സൊമാലിയ, സുഡാന്‍ എന്നിവിടങ്ങളില്‍ നിന്നുള്ള ആടുകള്‍ കൂടുതലായി വിറ്റുപോകുന്നുണ്ട്.

യുഎഇയിലെ ഏറ്റവും പുതിയ സ്വര്‍ണം, വെള്ളി, ഇന്ധനവില; ഇന്നത്തെ ദിര്‍ഹമും രൂപയും തമ്മിലെ വിനിമയ നിരക്ക് അറിയാം | UAE Market Today

കനത്ത ചൂട് മൂലം എയര്‍ കാര്‍ഗോ മാര്‍ഗമാണ് ഇന്ത്യന്‍ ആടുകളെ യുഎഇയില്‍ എത്തിക്കുന്നത്. ഇതിനാല്‍ തന്നെ ഇവയ്ക്കുള്ള വിലയും കൂടുതലാണ്. 30 കിലോ വരുന്ന ഇന്ത്യന്‍ ആടിന് ശരാശരി 2000 ദിര്‍ഹമാണ് വില. എന്നാല്‍ ഇതേ തൂക്കമുള്ള സൊമാലിയന്‍ ആടിനെ 800 ദിര്‍ഹത്തിന് ലഭിക്കും. ആടുകളെ കൂടാതെ ഒട്ടകവും കാളയും വിപണിയില്‍ ഉണ്ട്. കാളകള്‍ കൂടുതലായും സൊമാലിയയില്‍ നിന്നും ഒട്ടകങ്ങള്‍ ജിസിസി രാജ്യങ്ങളില്‍ നിന്നുമാണ് എത്തുന്നത്.

രണ്ട് വര്‍ഷം മുമ്പുള്ളതിനേക്കാള്‍, ബലിമൃഗങ്ങളുടെ വില 60 മുതല്‍ 80 ശതമാനം വരെ വര്‍ധിച്ചതായാണ് മാര്‍ക്കറ്റ് വിദഗ്ധര്‍ പറയുന്നത്.

Hajj 2025: യു.എ.ഇയില്‍ നിന്ന് 6,228 തീര്‍ഥാടകര്‍, സ്വീകരിക്കാന്‍ പ്രത്യേക ക്യാംപുകള്‍; സൗകര്യങ്ങള്‍ പരിശോധിച്ച് ഉറപ്പുവരുത്തിയതായി ഹജ്ജ് കാര്യാലയം

ബലി മൃഗങ്ങളെ ഇസ്‌ലാമിക വിധിപ്രകാരം അറുത്ത് മാംസമാക്കി വിതരണം ചെയ്യുന്നതിനുള്ള സംവിധാനം വിവിധ എമിറേറ്റുകളില്‍ ഒരുക്കിയിട്ടുണ്ട്. മൃഗ ഡോക്ടര്‍ പരിശോധിച്ച് രോഗമില്ലെന്ന് ഉറപ്പുവരുത്തിയ ശേഷം മാത്രമേ അറക്കൂ. തലച്ചോര്‍, കരള്‍ എന്നിവ ഉള്‍പ്പെടെ വിവിധ ഭാഗങ്ങള്‍ പരിശോധിച്ച് ഭക്ഷ്യയോഗ്യമെന്ന് ഉറപ്പിച്ച ശേഷം മാത്രമേ വിതരണം ചെയ്യുകയുള്ളൂ.

A 30 kg Indian goat now sells for nearly 2000 dirhams in the UAE, reflecting the rising demand for premium Indian livestock. Indian goats are rapidly dominating the Gulf meat market due to their quality and taste.