ജൂണ്‍ 15ന് നടത്താനിരുന്ന നീറ്റ് പിജി പരീക്ഷ മാറ്റിവെച്ചു. പുതുക്കിയ തീയതി പിന്നീട് അറിയിക്കുമെന്ന് നാഷണല്‍ ബോര്‍ഡ് ഓഫ് എക്‌സാമിനേഷന്‍ ഇന്‍ മെഡിക്കല്‍ സയന്‍സ് (NBE) അറിയിച്ചു. 

2025 ലെ പരീക്ഷ ഒറ്റ ഷിഫ്റ്റായി നടത്തണമെന്ന സുപ്രീം കോടതി വിധിയെ തുടര്‍ന്നാണ് തീയതി മാറ്റിയത്. ഒറ്റ ഷിഫ്റ്റായി പരീക്ഷ നടത്താന്‍ കൂടുതല്‍ സമയം ആവശ്യമാണെന്ന് എന്‍ബിഇ ഒഫീഷ്യല്‍ പറഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. കൂടുതല്‍ പരീക്ഷ സെന്ററുകളും, അടിസ്ഥാന സൗകര്യങ്ങളും ഒരുക്കേണ്ടതുണ്ട്. ഇതിന്റെ ഭാഗമായാണ് നടപടി. സുപ്രീം കോടതി വിധിക്കനുസരിച്ച് ഒറ്റ ഷിഫ്റ്റില്‍ തന്നെ ഇത്തവണ പരീക്ഷ നടത്തുമെന്നും ഉദ്യോഗസ്ഥര്‍ പറഞ്ഞു. 

നീറ്റ് പിജി രണ്ട് ഷിഫ്റ്റുകളിലായി നടത്താനിയിരുന്നു ആദ്യം തീരുമാനിച്ചിരുന്നത്. എന്നാല്‍ ഇതിനെതിരെ സുപ്രീം കോടതിയില്‍ ഹരജി ഫയല്‍ ചെയ്യുകയും, കോടതി ഒറ്റ ഷിഫ്റ്റില്‍ പരീക്ഷ നടത്തണമെന്ന് ഉത്തരവിടുകയും ചെയ്തിരുന്നു. പരീക്ഷ സംബന്ധിച്ച വിശദമായ ഉത്തരവ് ജൂണ്‍ 3ന് പുറത്തിറക്കുമെന്നും എന്‍ബിഇ അറിയിച്ചു.

ALSO READ: ഡ്രൈവര്‍, അഡ്മിൻ, എഞ്ചിനീയർ, സെയിൽസ് തുടങ്ങി നിരവധി ഒഴിവുകൾ; Latest Gulf Vacancies Read more 

അതേസമയം ജെഇഇ (ജോയിന്റ് എൻട്രൻസ് എക്‌സാമിനേഷൻ) ഫലം പ്രഖ്യാപിച്ചു. വിദ്യാർഥികൾക്ക് jeeadv.ac.in സന്ദർശിച്ച് റസൽട്ടറിയാം. ഐഐടി ഡൽഹി സോണിൽ നിന്നുള്ള രജിത് ഗുപ്ത അഖിലേന്ത്യ തലത്തിൽ ഒന്നാം സ്ഥാനം നേടി. 360 ൽ 332 മാർക്കാണ് രജിത് നേടിയത്. 

ഖരഗ്പൂർ സോണിൽ നിന്നുള്ള ദേവ്ദത്ത മജ്ഹിയാണ് പെൺകുട്ടികളിൽ ദേശീയ തലത്തിൽ ഒന്നാമതെത്തിയത്. 360 ൽ 312 മാർക്കാണ് ദേവ്ദത്ത നേടിയത്. 

മേയ് 18 ന് നടന്ന ജെഇഇ അഡ്വാൻസ്ഡ് പേപ്പർ 1, പേപ്പർ 2 കമ്പ്യൂട്ടർ അധിഷ്ഠിത പരീക്ഷകൾ നടന്നത്. ആകെ 1,80,422 വിദ്യാർഥികളാണ് പരീക്ഷ എഴുതിയത്. ഇതിൽ 54378 പേർ തുടർ പഠന യോഗ്യത നേടി.

ജെഇഇ 2025 റാങ്ക് ജേതാക്കൾ

രജിത് ഗുപ്ത എഐആർ 1 (ഐഐടി ഡൽഹി സോൺ)

സാക്ഷം ജിൻഡാൽ (എഐആർ 2

മാജിദ് മുജാഹിദ് ഹുസൈൻ എഐആർ 3

പാർത്ഥ് മന്ദർ വർതക് എഐആർ 4

ഉജ്ജ്വൽ കേസരി എഐആർ 5

അക്ഷത് കുമാർ ചൗരസ്യ എഐആർ 6

സാഹിൽ മുകേഷ് ദിയോ എഐആർ 7

ദേവേഷ് പങ്കജ് ഭയ്യാ എഐആർ 8

അർണവ് സിംഗ് എഐആർ 9

വട്‌ലമുടി ലോകേഷ് എഐആർ 10