മസ്‌കത്ത്: ഹാരിബോ ഹാപ്പി കാന്റി കോള ഫിസ്റ്റ് എന്ന മിഠായി കഴിക്കുന്നത് ഒഴിവാക്കാണമെന്ന് ഒമാന്‍ ഫുഡ് സേഫ്റ്റി ആന്റ് ക്വാളിറ്റി സെന്ററിന്റെ മുന്നറിയിപ്പ്. ഈ മിഠായിയില്‍ കഞ്ചാവിന്റെ സാന്നിധ്യമുള്ളതിനാല്‍ ഇത് വാങ്ങി കഴിക്കരുതെന്ന് അധികൃതര്‍ മുന്നറിയിപ്പ് നല്‍കി.

ALSO READ: ഒമാൻ സുൽത്താൻ്റെ പെരുന്നാൾ നിസ്കാരം സുൽത്താൻ ഖാബൂസ് പള്ളിയിൽ

കോളയുടെ രുചിയിലുള്ള ഈ മിഠായി ഉല്‍പ്പാദിപ്പിക്കുന്നത് ഹാരിബോ ഹാപ്പി & കമ്പനി കെജിയാണ്. 2026 ജനുവരി വരെ കാലാവധിയുള്ള 1000 ഗ്രാം തൂക്കമുള്ള മിഠായിയുടെ പാക്കറ്റിലാണ് കഞ്ചാവിന്റെ സാന്നിധ്യം കണ്ടെത്തിയത്.

ALSO READ: ഇന്ത്യയും ഒമാനും തമ്മിലുള്ള സ്വതന്ത്ര വ്യാപാര കരാർ ഉടൻ; യാഥാർത്ഥ്യമായാൽ ഇന്ത്യയുമായി കരാർ ഒപ്പിടുന്ന രണ്ടാമത്തെ ഗൾഫ് രാജ്യമാകും | India- Oman FTA

നേരത്തേ നെതര്‍ലന്റ്‌സ് ആന്റ് കണ്‍സ്യൂമര്‍ പ്രൊഡക്ട് സേഫ്റ്റി അതോറിറ്റി നടത്തിയ പരിശോധനയില്‍ ഉല്‍പ്പന്നത്തിന്റെ സുരക്ഷയെ സംബന്ധിച്ച് ആശങ്കകള്‍ ഉയര്‍ന്നിരുന്നു. തുടര്‍ന്നാണ് രാജ്യത്തെ വിപണിയില്‍ നിന്നും ഉല്‍പ്പന്നം ഒഴിവാക്കാന്‍ ഒമാന്‍ സര്‍ക്കാര്‍ തീരുമാനിച്ചത്. നെതര്‍ലന്റ്‌സില്‍ നിന്നാണ് ഈ മിഠായി ഒമാന്‍ ഇറക്കുമതി ചെയ്യുന്നത്. കഞ്ചാവിന്റെ സാന്നിധ്യം കണ്ടെത്തിയതോടെ രാജ്യത്തേക്ക് ഈ മിഠായി കൊണ്ടുവരുന്നതും നിരോധിച്ചിട്ടുണ്ട്.

Oman's Food Safety Department has issued a public warning against consuming a specific candy found to contain cannabis. Consumers are urged to avoid the product and report any related health concerns.