കെഎസ്ആർടിസി സ്വിഫ്റ്റിൽ ജോലി നേടാൻ അവസരം. സ്വിഫ്റ്റിൽ ഡ്രൈവർ കം കണ്ടക്ടർ തസ്തികയിലേക്കാണ് നിയമനം നടക്കുന്നത്. കരാർ അടിസ്ഥാനത്തിൽ താൽക്കാലിക റിക്രൂട്ട്‌മെന്റാണ് നടക്കുക. പത്താം ക്ലാസും, ഡ്രെെവിങ് പരിജ്ഞാനവുമുള്ളവർക്കാണ് അവസരം. താൽപര്യമുള്ളവർ ചുവടെ നൽകിയ യോ​ഗ്യത വിവരങ്ങൾ വായിച്ച് മനസിലാക്കി ജൂൺ 10ന് മുൻപായി അപേക്ഷ നൽകണം. 

തസ്തിക & ഒഴിവ്

കെഎസ്ആർടിസി സ്വിഫ്റ്റിൽ ഡ്രൈവർ കം കണ്ടക്ടർ റിക്രൂട്ട്‌മെന്റ്. 

പ്രായം 

24 വയസ് മുതൽ 55 വയസ് വരെ പ്രായമുള്ളവരായിരിക്കണം. 

യോഗ്യത

ഉദ്യോഗാർഥി MV ആക്ട് 1988 പ്രകാരമുള്ള ഹെവി ഡ്രൈവിങ് ലൈസൻസ് കരസ്ഥമാക്കിയിരിക്കണം. തെരഞ്ഞെടുക്കപ്പെട്ടാൽ മോട്ടോർ വാഹന വകുപ്പിൽ നിന്നും നിശ്ചിത സമയത്തിനുള്ളിൽ കണ്ടക്ടർ ലൈസൻസ് കരസ്ഥമാക്കണം. 

അംഗീകൃത സ്ഥാപനത്തിൽ നിന്ന് പത്താം ക്ലാസ് വിജയിക്കണം. 

മുപ്പതിൽ അധികം സീറ്റുകളുള്ള ഹെവി പാസഞ്ചർ വാഹനങ്ങളിൽ അഞ്ച് വർഷത്തിൽ കുറയാതെ െൈഡ്രവിങ്ങിലുള്ള പ്രവൃത്തി പരിചയം. 

വാഹനങ്ങളുടെ പ്രവർത്തനത്തെപ്പറ്റിയുള്ള അറിവും വാഹനങ്ങളിലുണ്ടാവുന്ന ചെറിയ തകരാറുകൾ കണ്ടെത്തി പരിഹരിക്കാനുള്ള അറിവ് ഉണ്ടായിരിക്കണം. 

സ്വന്തം താമസ സ്ഥലത്തുള്ള പൊലിസ് ക്ലിയറൻസ് സർട്ടിഫിക്കറ്റ് ഹാജരാക്കണം. 

ALSO READ: കേരള മിനറല്‍സില്‍ ജോലിയവസരം; 40,000 ശമ്പളം വാങ്ങാം; അപേക്ഷ ജൂണ്‍ 15 വരെ

ശമ്പളം

സർക്കാർ അംഗീകൃത ഉത്തരവ് പ്രകാരം 8 മണിക്കൂർ ഡ്യൂട്ടിക്ക് 715 രൂപയാണ് വേതനം. അധിക മണിക്കൂറിന് 130 രൂപ അധിക അലവൻസ് ലഭിക്കും.

അപേക്ഷ

താൽപര്യമുള്ളവർ കേരള സർക്കാർ സിഎംഡി വെബ്‌സൈറ്റ് സന്ദർശിക്കുക. ശേഷം കെഎസ്ആർടിസി സ്വിഫ്റ്റ് റിക്രൂട്ട്‌മെന്റ് തിരഞ്ഞെടുത്ത് നേരിട്ട് അപേക്ഷ നൽകുക. വിശദമായ വിജ്ഞാപനം ചുവടെ നൽകുന്നു. അത് വായിച്ച് സംശയങ്ങൾ തീർക്കുക.

അപേക്ഷ: CLICK 

വിജ്ഞാപനം: CLICK

KSRTC Swift is offering temporary contract-based recruitment for the post of Driver-cum-Conductor. Candidates with a 10th-grade qualification and driving knowledge are eligible to apply. Interested applicants should review the detailed eligibility criteria and submit their applications before June 10.