തൃശ്ശൂർ: തൃശ്ശൂരിലെ മുണ്ടൂരിൽ സംസ്ഥാന റൂട്ടിൽ സർവീസ് നടത്തുന്ന കെഎസ്ആർടിസി ബസ് കർണാടക രജിസ്ട്രേഷൻ ബസിന് പിറകിൽ ഇടിച്ചുണ്ടായ അപകടത്തിൽ 15 പേർക്ക് പരിക്കേറ്റു. ഇന്ന് പുലർച്ചെ അഞ്ചു മണിയോടെയായിരുന്നു അപകടം നടന്നത്.

അപകടത്തിൽ കെഎസ്ആർടിസി ബസ് ഡ്രൈവർക്ക് ​ഗുരുതരമായ പരുക്ക് ഏറ്റിട്ടുണ്ട്. അദ്ദേഹത്തിന്റെ നില ഗുരുതരമാണെന്നാണ് വിവരം. മറ്റ് യാത്രക്കാർക്ക് നിസാര പരിക്കുകളാണ് ഉണ്ടായത്. പരിക്കേറ്റ എല്ലാവരെയും തൃശ്ശൂരിലെ അമല ആശുപത്രിയിൽ പ്രവേശിപ്പിച്ചിട്ടുണ്ട്.

അപകടത്തെ തുടർന്ന് പ്രദേശവാസികളും യാത്രക്കാരും ചേർന്ന് രക്ഷാപ്രവർത്തനം നടത്തിയെന്ന് ദൃക്സാക്ഷികൾ പറഞ്ഞു. പൊലീസ് സ്ഥലത്തെത്തി സിസിടിവി ദൃശ്യങ്ങൾ ഉൾപ്പെടെ പരിശോധിച്ചു. സംഭവത്തെക്കുറിച്ച് കൂടുതൽ അന്വേഷണം നടത്തിവരികയാണെന്നും പൊലീസ് വ്യക്തമാക്കി.വാഹനങ്ങളുടെ വേഗതയും ഇടിച്ച രീതി കൂടി പരിശോധിച്ച്, അപകടകാരണം വ്യക്തമാക്കാനാണ് അന്വേഷണ സംഘത്തിന്റെ ശ്രമം.അപകടത്തിൽ പരിക്കേറ്റവർക്ക് വിദഗ്ധ ചികിത്സ ലഭ്യമാക്കുന്നതിന് ആരോഗ്യവകുപ്പ് നടപടികൾ സ്വീകരിച്ചിരിക്കുന്നതായി അധികൃതർ അറിയിച്ചു.

In a road accident at Mundur, Thrissur, a KSRTC bus rammed into the rear of a Karnataka state-run bus, injuring 15 people. The incident occurred around 5 AM. The KSRTC bus driver sustained serious injuries, while others suffered minor wounds. All injured were taken to Amala Hospital. Police are reviewing CCTV footage from the area and have launched an investigation.