കോഴിക്കോട്: കോഴിക്കോട് കൊളങ്ങരപ്പീടികയിലെ എക്കോ പേപ്പേഴ്സ് ആന്‍റ് സ്ക്രാപ്പ് സ്ഥാപനം പ്രവര്‍ത്തിച്ചിരുന്ന ഷെഡില്‍ വന്‍ തീപിടുത്തം. പേപ്പര്‍ അവശിഷ്ടങ്ങള്‍ സൂക്ഷിച്ചിരുന്ന ഷെഡിലാണ് തീ പടർന്നത്. തീ പടർന്നതോടെ ഷെഡും അതിനോട് ചേർന്നുള്ള ഭാഗങ്ങളുമെല്ലാം പൂർണമായും കത്തി നശിച്ചു. സമീപത്തെ കെട്ടിടത്തിനും കേടുപാടുകള്‍ സംഭവിച്ചു.

ഇന്ന് പുലർച്ചെ 1.20നാണ് തീപിടുത്തം ഉണ്ടായത്. മീഞ്ചന്ത ഫയര്‍ സ്റ്റേഷനില്‍ നിന്നുള്ള മൂന്ന് യൂണിറ്റുകളുടെ നേതൃത്വത്തില്‍ നാല് മണിക്കൂറോളം നീണ്ട രക്ഷാപ്രവര്‍ത്തനത്തിനൊടുവില്‍ തീ പൂര്‍ണമായും നിയന്ത്രണത്തില്‍ കൊണ്ടുവന്നു. പുലര്‍ച്ചെ തീ പൂര്‍ണമായി അണയ്ക്കുകയായിരുന്നു.

തീപിടുത്തത്തില്‍ ഏകദേശം അഞ്ച് ലക്ഷം രൂപയുടെ നഷ്ടമുണ്ടായതായി പ്രാഥമിക കണക്കുകള്‍ സൂചിപ്പിക്കുന്നു. ഷെഡിനോട് ചേര്‍ന്നുള്ള ചെറിയ വീട്ടില്‍ ബീഹാര്‍ സ്വദേശികളായ ഒരു കുടുംബം താമസിച്ചിരുന്നതായും ഇവര്‍ പെരുന്നാള്‍ അവധിക്ക് നാട്ടില്‍ പോയിരുന്നതിനാല്‍ വലിയ അപകടം ഒഴിവായെന്നും അധികൃതര്‍ അറിയിച്ചു.അഗ്നിബാധയുടെ കാരണം വ്യക്തമല്ലെങ്കിലും, സംഭവത്തില്‍ കൂടുതല്‍ അന്വേഷണം പുരോഗമിക്കുന്നതായി ഫയർഫോഴ്‌സ് അറിയിച്ചു.

A major fire broke out at the Eco Papers and Scrap shed in Kolangarapeedika, Kozhikode, early Friday morning. The fire, which started around 1:20 AM, destroyed the entire shed and caused damage to a nearby building. Firefighters from Meenchanda Fire Station brought the blaze under control after four hours. Preliminary estimates suggest a loss of around ₹5 lakh. A nearby house, occupied by a family from Bihar, was vacant due to Eid holidays, preventing a potential tragedy.