ഡൽഹി: ഉത്തർപ്രദേശിലെ വൃന്ദാവനത്തിലെ താക്കൂർ ബങ്കെ ബിഹാരി ക്ഷേത്രത്തിൽ ദർശനത്തിനെത്തിയ ഒരു ഭക്തന്റെ ബാഗ് കുരങ്ങൻ തട്ടിയെടുത്ത് മരത്തിൽ കയറി. അൽഗഢ് സ്വദേശി അഭിഷേക് അഗർവാളിന്റെ ഭാര്യയുടെ ബാഗാണ് കുരങ്ങൻ തട്ടിയെടുത്തത്. ബാ​ഗിൽ ഏകദേശം 20 ലക്ഷം രൂപ വിലവരുന്ന സ്വർണ്ണാഭരണങ്ങൾ ഉണ്ടായിരുന്നു.

അഭിഷേക് കുടുംബത്തോടൊപ്പം ക്ഷേത്രം സന്ദർശിച്ച് മടങ്ങുമ്പോഴാണ് കുരങ്ങൻ അപ്രതീക്ഷിതമായി ബാഗ് പിടിച്ചുപറിച്ച് മരത്തിൽ കയറിയത്. ഈ സംഭവം പ്രദേശത്ത് വലിയ പരിഭ്രാന്തി പരത്തുകയായിരുന്നു. നാട്ടുകാർ കുരങ്ങന്റെ കൈയിൽ നിന്ന് ബാ​ഗ് വീണ്ടെടുക്കാൻ ശ്രമിച്ചെങ്കിലും വിജയിച്ചില്ല.

തുടർന്ന് വിവരം പൊലീസിനെ അറിയിച്ചു. പൊലീസ് സംഘം സ്ഥലത്തെത്തി കുറേ നേരത്തെ തിരച്ചിലിനുശേഷം കുറ്റിക്കാടിൽ നിന്നാണ് പഴ്‌സ് കണ്ടെത്തിയത്. ആഭരണങ്ങൾ മുഴുവൻ അതിന് ഉള്ളിൽ സുരക്ഷിതമായി ഉണ്ടായിരുന്നുവെന്ന് പൊലീസ് അറിയിച്ചു.

സദർ സർക്കിൾ ഓഫീസർ സന്ദീപ് കുമാർ ആണ് സംഭവം സ്ഥിരീകരിച്ചത്. പൊലീസ് സമയബന്ധിതമായി നടത്തിയ ഇടപെടലിലൂടെ ലക്ഷങ്ങൾ വിലമതിച്ച പഴ്‌സും അതിലുള്ള ആഭരണങ്ങളും തിരിച്ചുകിട്ടിയതായും അദ്ദേഹം പറഞ്ഞു. ബാഗ് ഉടമയ്ക്ക് തിരിച്ചുനൽകി.

In a bizarre incident near the Banke Bihari Temple in Vrindavan, Uttar Pradesh, a monkey snatched a devotee’s bag containing gold jewellery worth ₹20 lakh. The monkey climbed a tree with the purse, causing panic among onlookers. The victim, Abhishek Agarwal from Aligarh, was returning from temple with his family when the incident occurred. Locals tried to retrieve the bag but failed, prompting a police search. After hours of effort, the bag was recovered from nearby bushes with all valuables intact. Police confirmed no damage to the items.