ഗാങ്‌ടോക്ക്: വടക്കൻ സിക്കിമിലെ ചാറ്റെനിൽ സൈനിക ക്യാമ്പിൽ ഉണ്ടായ മണ്ണിടിച്ചിലിൽ കാണാതായ ആറ് പേരിൽ ഒരു സൈനികന്റെ മൃതദേഹം തിങ്കളാഴ്ച കണ്ടെടുത്തു. സൈനുദ്ദീൻ പികെ എന്ന സൈനികന്റെ മൃതദേഹമാണ് കണ്ടെടുത്തതെന്ന്‌ ഒരു മുതിർന്ന ഉദ്യോഗസ്ഥൻ പറഞ്ഞു. മംഗൻ ജില്ലയിൽ നിന്നാണ് ഇയാളുടെ മൃതദേഹം കണ്ടെടുത്തത്. ഇനിയും അഞ്ച് പേരെ കൂടി മണ്ണിടിച്ചിലിൽ കാണാതായിട്ടുണ്ട്. ഇവർക്കായുള്ള തിരച്ചിൽ പുരോഗമിക്കുകയാണെന്ന് മംഗൻ പൊലിസ് സൂപ്രണ്ട് (എസ്പി) സോനം ഡെച്ചു ഭൂട്ടിയ പറഞ്ഞു. 

ജൂൺ ഒന്നിന് ചാറ്റനിലെ സൈനിക ക്യാമ്പിൽ ഉണ്ടായ മണ്ണിടിച്ചിലിൽ കാണാതായ ആറ് സൈനികരിൽ ഒരാളായ സൈനുദ്ദീൻ പികെ എന്ന സൈനികന്റെ മൃതദേഹം രക്ഷാപ്രവർത്തകർ കണ്ടെടുത്തതായി എസ്പി സ്ഥിരീകരിച്ചു. കാണാതായവരെ കൂടാതെ, മൂന്ന് സൈനികർക്കും മണ്ണിടിച്ചിലിൽ ജീവൻ നഷ്ടപ്പെട്ടു, നാല് പേർക്ക് പരിക്കേറ്റു. 

കനത്ത മഴയെ തുടർന്ന് വടക്കൻ സിക്കിമിൽ ഒന്നിലധികം മണ്ണിടിച്ചിൽ ഉണ്ടായി. റോഡ്, ടെലികമ്മ്യൂണിക്കേഷൻ കണക്റ്റിവിറ്റി തടസ്സപ്പെട്ടു. മോശം കാലാവസ്ഥ കാരണം വടക്കൻ സിക്കിമിലെ ലാച്ചെൻ, ലാച്ചുങ്, ചുങ്താങ് പട്ടണങ്ങളിൽ ദിവസങ്ങളോളം കുടുങ്ങിക്കിടക്കുകയായിരുന്ന 2,000 വിനോദസഞ്ചാരികളെ ഈ ആഴ്ച ആദ്യം റോഡ്, വ്യോമ മാർഗം വഴി രക്ഷപ്പെടുത്തിയിരുന്നു. സിക്കിമിലെ ലാച്ചനിൽ കുടുങ്ങിക്കിടക്കുന്ന 113 വിനോദസഞ്ചാരികളെ സൈനികർ എത്തി ഉടൻ ഒഴിപ്പിക്കും.

A body of one of the six soldiers who went missing in a landslide at a military camp in Chaatten, North Sikkim, was recovered on Monday. The deceased has been identified as soldier Sainudeen P K, according to a senior official. His body was found in Mangan district.