ദുബൈ: യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബൈ കിരീടാവകാശിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം ബലിപെരുന്നാള്‍ ആഘോഷത്തോടനുബന്ധിച്ച് നടത്തിയ അബ്ര യാത്രയുടെ വീഡിയോ സോഷ്യല്‍ മീഡിയയില്‍ വൈറലാകുന്നു.

ALSO READ: ദുബൈ മെട്രോ ബ്ലൂ ലൈന് ദുബൈ ഭരണാധികാരി തറക്കല്ലിട്ടു; ബ്ലൂ ലൈന്റെ ദൈര്‍ഘ്യം 30 കിലോമീറ്റര്‍

നഗരത്തിന്റെ മുഖച്ഛായയെ തന്നെ മാറ്റിമറിച്ച യാത്രാസംവിധാനത്തിലൂടെ അദ്ദേഹം നടത്തിയ യാത്ര സോഷ്യല്‍ മീഡിയാ ഉപയോക്താക്കളുടെ ശ്രദ്ധ പിടിച്ചുപറ്റി. അബ്രയില്‍ ഇരുന്ന് യാത്ര ചെയ്യുന്ന വീഡിയോ ദുബൈ കിരീടാവകാശിയായ ഷെയ്ഖ് ഹംദാന്‍ തന്നെയാണ് ഇന്‍സ്റ്റഗ്രാമില്‍ പങ്കുവെച്ചത്. ക്രീക്കിലൂടെ അല്‍ സീഫ് മാര്‍ക്കറ്റില്‍ എത്തിയ ഷെയ്ഖ് ഹംദാന്‍ ഫുഡ് സ്റ്റാളുകളും സുഗന്ധവ്യഞ്ജന കടകളും സന്ദര്‍ശിക്കുന്ന വീഡിയോയും സമൂഹമാധ്യമത്തില്‍ വൈറലാണ്.

ഷെയ്ഖ് ഹംദാന്‍ തന്റെ ഇന്‍സ്റ്റാഗ്രാം സ്റ്റോറിയിലാണ് തന്റെ അബ്ര റൈഡിന്റെ വീഡിയോ പോസ്റ്റ് ചെയ്തത്. ഇന്‍സ്റ്റഗ്രാമില്‍ അദ്ദേഹത്തെ 17 ദശലക്ഷം ആളുകള്‍ ഫോളോ ചെയ്യുന്നുണ്ട്. യുഎഇ ഉപപ്രധാനമന്ത്രി ഷെയ്ഖ് ഹംദാന്‍ പലപ്പോഴും തന്റെ ചിത്രങ്ങളും വീഡിയോകളും സോഷ്യല്‍ മീഡിയയില്‍ പങ്കുവെക്കാറുണ്ട്. കുടുംബത്തോടൊപ്പമുള്ള, പ്രത്യേകിച്ച് കുട്ടികളോടൊപ്പമുള്ള ചിത്രങ്ങളും അദ്ദേഹം തന്റെ സോഷ്യല്‍ മീഡിയാ അക്കൗണ്ടിലൂടെ പങ്കുവെക്കാറുണ്ട്. 

ഷെയ്ഖ് ഹംദാന്റെ ഇളയ മകള്‍ ഹിന്ദ് ഈ വര്‍ഷം മാര്‍ച്ച് 22നാണ് ജനിച്ചത്. ഹിന്ദിനൊപ്പമുള്ള ചിത്രങ്ങള്‍ ഷെയ്ഖ് ഹംദാന്‍ ഇടയ്ക്കിടെ സോഷ്യല്‍ മീഡിയയിലൂടെ പങ്കുവെക്കാറുണ്ട്.

ALSO READ: ഇന്ത്യന്‍ രൂപയും മറ്റ് രാജ്യങ്ങളിലെ കറന്‍സികളും തമ്മിലുള്ള ഇന്നത്തെ വിനിമയ നിരക്ക് | India Rupee Value Today

ദുബൈ ട്രാം വികസിപ്പിക്കല്‍, സുസ്ഥിര ഗതാഗതം പ്രോത്സാഹിപ്പിക്കല്‍, പറക്കും ടാക്‌സികള്‍ പോലുള്ള പുതിയ അടിസ്ഥാന സൗകര്യങ്ങള്‍ വികസിപ്പിക്കല്‍ എന്നിവയുള്‍പ്പെടെ ദുബൈയുടെ പൊതുഗതാഗത സംരംഭങ്ങളില്‍ കിരീടാവകാശി സജീവമായി ഇടപെട്ടിട്ടുണ്ട്.

ദുബൈയുടെ സമുദ്ര ഗതാഗത ശൃംഖല നവീകരിക്കുക എന്ന ലക്ഷ്യത്തോടെ, ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) ഈ വര്‍ഷം ഫെബ്രുവരിയിലാണ് നാലാം തലമുറ അബ്രകള്‍ പുറത്തിറക്കിയത്.

Crown Prince Sheikh Hamdan delights residents with a surprise Abra ride during Eid al-Adha, capturing hearts and going viral across social media platforms.