വാഷിങ്ടണ്‍: ഇന്ത്യക്കാരനായ ശുഭാംശു ശുക്ല ഉള്‍പ്പെടുന്ന ബഹിരാകാശ യാത്ര ആക്‌സിയം 4 ദൗത്യം വീണ്ടും നീട്ടി. പ്രതികൂല കാലാവസ്ഥ മൂലം ജൂണ്‍ 11ന് വൈകീട്ട് 5.30ന് ആയിരിക്കും യാത്ര. നേരത്തെ ജൂണ്‍ 10നാണ് ടേക്ക് ഓഫ് നിശ്ചയിച്ചിരുന്നത്. ഐഎസ്ആര്‍ഒ തങ്ങളുടെ ഔദ്യോഗിക എക്‌സ് പോസ്റ്റിലൂടെയാണ് ഇക്കാര്യം അറിയിച്ചത്. 

ദൗത്യം വിജയിക്കുന്നതോടെ അന്താരാഷ്ട്ര ബഹിരാകാശ നിലയത്തിലെത്തുന്ന ആദ്യത്തെ ഇന്ത്യന്‍ പൗരനായി ശുഭാംശു ശുക്ല മാറും. ആക്‌സിയം സ്‌പേസിന്റെയും നാസയുടെയും, ഐഎസ്ആര്‍ഒയുടെയും സംയുക്ത ദൗത്യമാണ് ആക്‌സിയം 4. ഇന്ത്യയുടെ ഗഗന്‍യാന്‍ ദൗത്യത്തിന് മുന്നോടിയായുള്ള പരിശീലനത്തിന്റെ ഭാഗമായാണ് ആക്‌സിയം ഫോര്‍ ദൗത്യം നടത്തുന്നത്. 

ALSO READ: ഹണിമൂൺ കൊലപാതകം; സോനം കുറ്റക്കാരിയാണെങ്കിൽ അവളെ തൂക്കിക്കൊല്ലണം; മരണപ്പെട്ട രാജ രഘുവംശിയുടെ അമ്മ 

ആകെ 14 ദിവസമാണ് ശുഭാശു ശുക്ല ബഹിരാകാശത്ത് ചിലവഴിക്കുക. ഇദ്ദേഹത്തിനെ കൂടാതെ ദൗത്യത്തിന്റെ കമാന്‍ഡറായ പെഗ്ഗി വിറ്റ്‌സണ്‍, മിഷന്‍ സ്‌പെഷ്യലിസ്റ്റുകളായ ഹംഗറിയില്‍ നിന്നുള്ള ടിഗോര്‍ കപു, പോളണ്ടില്‍ നിന്നുള്ള സ്ലാവോസ് ഉസ്‌നാന്‍സ്‌കി- വിസ്‌നിവ്‌സ്‌കി എന്നിവരാണ് സംഘത്തിലുള്ളത്. ഫ്‌ളോറിയഡയിലെ നാസയുടെ വിക്ഷേപണ തറയായ കെന്നഡി സ്‌പേസ് സെന്ററിലെ ലോഞ്ച് ക്ലോംപ്ലക്‌സ് 39ല്‍ നിന്നാണ് ആക്‌സിയം 4 കുതിച്ചുയരുക.

Launch of Axiom-4 mission to International Space Station:

Due to weather conditions, the launch of Axiom-4 mission for sending Indian Gaganyatri to International Space Station is postponed from 10th June 2025 to 11th June 2025.

The targeted time of launch is 5:30 PM IST on 11th…

— ISRO (@isro) June 9, 2025

The Axiom-4 space mission, which includes Indian astronaut Shubham Shukla, has been rescheduled due to unfavorable weather conditions. New Launch Time: June 11, 5:30 PM (IST).Original Launch was Date: June 10