അബൂദബി: സ്വകാര്യ നഴ്‌സറി സ്‌കൂളുകളിലെ കിന്റര്‍ഗാര്‍ട്ടനുകള്‍ അറബി ഭാഷാ പഠനത്തിനായി ആഴ്ചയില്‍ 240 മിനിറ്റ് (നാല് മണിക്കൂര്‍) നീക്കിവയ്ക്കണമെന്ന് അബൂദബി വിദ്യാഭ്യാസ അതോറിറ്റി.

ALSO READ: ദുബൈ മെട്രോ ബ്ലൂ ലൈന് ദുബൈ ഭരണാധികാരി തറക്കല്ലിട്ടു; ബ്ലൂ ലൈന്റെ ദൈര്‍ഘ്യം 30 കിലോമീറ്റര്‍

നഴ്‌സറി (പ്രീകെജി) മുതല്‍ രണ്ടാം കിന്റര്‍ഗാര്‍ട്ടന്‍ (ഒന്നാം വര്‍ഷം) വരെയുള്ള എല്ലാ പ്രാരംഭ വിദ്യാഭ്യാസ ക്ലാസുകളിലും പുതിയ നയം ബാധകമാകും. ഇതോടെ 2026-2027 അധ്യയന വര്‍ഷം മുതല്‍ ആഴ്ചതോറുമുള്ള അറബിക് പഠന സമയം 300 മിനിറ്റായി (അഞ്ച് മണിക്കൂര്‍) വര്‍ധിക്കും. 2025-2026 അധ്യയന വര്‍ഷത്തിലെ ആദ്യ സെമസ്റ്റര്‍ മുതല്‍ പുതിയ നയം നടപ്പില്‍ വരുത്തുമെന്ന് വിദ്യാഭ്യാസ, വിജ്ഞാന വകുപ്പ് (അഡെക്) അറിയിച്ചു.

അറബി ഭാഷ സംസാരിക്കുന്ന കുട്ടിയായാലും ആദ്യമായി അറബി ഭാഷ പഠിക്കുന്ന കുട്ടിയായാലും ഭാഷാ വികാസത്തിന്റെ ഏറ്റവും നിര്‍ണായക ഘട്ടത്തില്‍ സ്ഥിരവും ഉയര്‍ന്ന നിലവാരമുള്ളതുമായ നിര്‍ദ്ദേശങ്ങള്‍ ഓരോ കുട്ടിക്കും ലഭിക്കുന്നുണ്ടെന്ന് ഉറപ്പാക്കുകയാണ് നയത്തിന്റെ ലക്ഷ്യമെന്ന് അഡെക് പറഞ്ഞു.

കുട്ടികള്‍ ചെറുപ്പത്തിലാണ് ഭാഷകള്‍ ഏറ്റവും ഫലപ്രദമായി പഠിക്കുന്നത് എന്നകാര്യം ഗവേഷണങ്ങളില്‍ നിന്നും കണ്ടെത്തിയതാണെന്ന് അതോറിറ്റി പറഞ്ഞു. എന്നാല്‍ അറബി ഭാഷ വെറുമൊരു വിഷയല്ലെന്നും അത് സ്വത്വം, മൂല്യങ്ങള്‍, നമ്മള്‍ ആരാണെന്ന് രൂപപ്പെടുത്തുന്ന സാംസ്‌കാരിക വിവരണങ്ങള്‍ എന്നിവയിലേക്കുള്ള ഒരു പാലമാണെന്നും അഡെക് അഭിപ്രായപ്പെട്ടു.

വീട്ടില്‍ അറബി വ്യാപകമായി സംസാരിക്കുന്നുണ്ടെങ്കിലും, പല കുട്ടികള്‍ക്കും ഇപ്പോഴും ഭാഷ ഉപയോഗിക്കുന്നതില്‍ ആത്മവിശ്വാസമില്ലെന്ന് അതോറിറ്റിയുടെ സമീപകാല സര്‍വേയില്‍ കണ്ടെത്തിയിരുന്നു. വിദ്യാഭ്യാസത്തിന്റെ ആദ്യ വര്‍ഷങ്ങളില്‍ തന്നെ അറബി ഭാഷ സജീവമാക്കുന്നതിന് സ്‌കൂളുകളും കുടുംബങ്ങളും തമ്മിലുള്ള സഹകരണം വളര്‍ത്തിയെടുക്കുന്നതിലൂടെ ആ വിടവ് നികത്താനാണ് പുതിയ നയത്തിലൂടെ ശ്രമിക്കുന്നത്.

ALSO READ: ഇന്ത്യന്‍ രൂപയും മറ്റ് രാജ്യങ്ങളിലെ കറന്‍സികളും തമ്മിലുള്ള ഇന്നത്തെ വിനിമയ നിരക്ക് | India Rupee Value Today

കളികള്‍, കഥപറച്ചില്‍, പാട്ടുകള്‍ തുടങ്ങിയ ആകര്‍ഷകമായ രീതികളിലൂടെയായിരിക്കും അറബി ഭാഷ പഠിപ്പിക്കുന്നത്. ക്ലാസ് മുറിയില്‍ ഭാഷ സംവേദനാത്മകവും സജീവവുമാണെന്ന് തോന്നിപ്പിക്കുന്ന വിധത്തിലായിരിക്കും ഭാഷാപഠനം.

Starting from the 2025–2026 academic year, Abu Dhabi's Department of Education and Knowledge (ADEK) requires all private and educational partnership schools to provide 240 minutes (4 hours) of Arabic language instruction per week for nursery and kindergarten students. This policy aims to enhance early language acquisition and cultural identity among young learners.