നിലമ്പൂര്‍: നിലമ്പൂര്‍ ഉപതെരഞ്ഞെടുപ്പില്‍ പിവി അന്‍വറിന്റെ പ്രചരണത്തിനായി മുന്‍ ക്രിക്കറ്റ് താരവും, തൃണമൂല്‍ കോണ്‍ഗ്രസ് എംപിയുമായ യൂസഫ് പത്താന്‍ എത്തുമെന്ന് റിപ്പോര്‍ട്ട്. ജൂണ്‍ 15ന് യൂസഫ് പഠാന്‍ കേരളത്തിലെത്തുമെന്ന് ടിഎംസി നിലമ്പൂര്‍ മണ്ഡലം കമ്മിറ്റി അറിയിച്ചു. ജൂണ്‍ 19ന് നിലമ്പൂര്‍ മണ്ഡലത്തില്‍ ഉപതെരഞ്ഞെടുപ്പ് നടക്കാനിരിക്കെയാണ് യൂസഫ് പഠാനെ കളത്തിലിറക്കാന്‍ തൃണമൂല്‍ തീരുമാനിച്ചത്. 

കഴിഞ്ഞ ലോക്‌സഭാ തെരഞ്ഞെടുപ്പില്‍ പശ്ചിമ ബംഗാളിലെ ബഹാറംപൂര്‍ മണ്ഡലത്തില്‍ നിന്നാണ് യൂസഫ് പഠാന്‍ തൃണമൂല്‍ ടിക്കറ്റില്‍ മത്സരിച്ച് പാര്‍ലമെന്റിലെത്തിയത്. കോണ്‍ഗ്രസ് നേതാവും, കഴിഞ്ഞ തവണത്തെ ലോക്‌സഭാ കക്ഷി നേതാവുമായിരുന്ന അധീര്‍ രജ്ഞന്‍ ചൗധരിയെയാണ് യൂസഫ് പഠാന്‍ പരാജയപ്പെടുത്തിയത്. 

ALSO READ: ജീവനക്കാരികളുടെ തട്ടിക്കൊണ്ടുപോകൽ പരാതി; ദിയയുടെ ഫ്ലാറ്റിലെ സിസിടിവി ദൃശ്യങ്ങൾ പൊലീസ് ശേഖരിച്ചു; അന്വേഷണം ഊര്‍ജിതം 

അതേസമയം നിലമ്പൂർ ഉപതെരഞ്ഞെടുപ്പിൽ ആകെ 14 സ്ഥാനാർഥികളാണുള്ളത്. ഷൗക്കത്തലി (ഇന്ത്യൻ നാഷണൽ കോൺഗ്രസ്), എം. സ്വരാജ് (സി.പി.എം), മോഹൻ ജോർജ് (ബി.ജെ.പി), ഹരിനാരായണൻ (ശിവസേന), എൻ. ജയരാജൻ (സ്വതന്ത്രൻ), പി.വി അൻവർ (സ്വതന്ത്രൻ), മുജീബ് (സോഷ്യൽ ഡെമോക്രാറ്റിക് പാർട്ടി), അബ്ദുറഹ്മാൻ കിഴക്കേത്തൊടി (സ്വതന്ത്രൻ), എ.കെ അൻവർ സാദത്ത് (സ്വതന്ത്രൻ), പി. രതീഷ് (സ്വതന്ത്രൻ), പി. രാധാകൃഷ്ണൻ നമ്പൂതിരിപ്പാട് (സ്വതന്ത്രൻ), ജി. സതീഷ് കുമാർ (സോഷ്യലിസ്റ്റ് ജനതാദൾ), വിജയൻ (സ്വതന്ത്രൻ), സാദിഖ് നടുത്തൊടി (സ്വതന്ത്രൻ) എന്നിവരുടേതാണ് സ്വീകരിച്ചത്.

   സാദിക് നടുത്തൊടി (എസ്.ഡി.പി.ഐ), പി.വി അൻവർ (തൃണമൂൽ കോൺഗ്രസ്), സുന്നജൻ (സ്വതന്ത്രൻ), ടി.എം ഹരിദാസ് (നാഷണൽ ഡെമോക്രാറ്റിക് പാർട്ടി), ജോമോൻ വർഗീസ് (സ്വതന്ത്രൻ), ഡോ. കെ. പത്മരാജൻ (സ്വതന്ത്രൻ), എം. അബ്ദുൽ സലീം (സി.പി.എം) എന്നിവരുടെ പത്രികകളാണ് തള്ളിയത്. 

Former Indian cricketer and current Trinamool Congress (TMC) MP Yusuf Pathan is expected to arrive in Kerala on June 15 to campaign for P.V. Anvar in the Nilambur by-election, according to the TMC Nilambur Mandalam Committee.