മസ്കത്ത്: ഒമാനിലെ മുസന്ദം ഗവർണറേറ്റിലെ ലിമയിൽ നിയാബാത്ത് പ്രദേശത്ത് ശനിയാഴ്ച ഉണ്ടായ കനത്ത മഴയിൽ വൻനാശനഷ്ടം. മഴവെള്ളം റോഡുകളിൽ കെട്ടിനിന്നതോടെ ഗതാഗത തടസ്സങ്ങൾ ഉണ്ടായി. റോഡുകൾ തകരുകയും, പല വീടുകൾക്കും കേടുപാടുകൾ സംഭവിക്കുകയും ചെയ്തു. അൽ ഖാബ, അൽ അഖൂബ്, അൽ അഖ്, അൽ ഗബ്ബൻ, ഖാർത്തൂം, അൽ അസ്ഫർ, അൽ ഖസീബ തുടങ്ങിയ വാദികൾ കവിഞ്ഞൊഴുകിയതായാണ് സൂചനകൾ.

ALSO READ: അച്ചടക്ക ലംഘനം; രണ്ട് ഫുട്ബോൾ താരങ്ങൾക്ക് വിലക്കും, 500000 ദിർഹം പിഴയും

ലിമയിലെ നിയാബാത്തിൽ മഴയിൽ സംഭവിച്ച നാശനഷ്ടങ്ങളെക്കുറിച്ച് ഖസബ് മുനിസിപ്പാലിറ്റിയുടെ ഡയറക്ടർ ഹമദ് ബിൻ ഇബ്രാഹിം അൽ ശൂഹി വിവരങ്ങൾ നൽകി. ഈ പ്രദേശത്തെ ചില വീടുകൾ തകർന്നതും ഉൾപ്രദേശ റോഡുകൾ നശിച്ചതും മൂലം ഗതാഗതം തടസപ്പെട്ടുവെന്ന് അദ്ദേഹം പറഞ്ഞു. അൽ സൂർ, അൽ സബാബ, അൽ അഖബ്, അൽ ഹീന എന്നീ പ്രദേശങ്ങളെയാണ് മഴ കൂടുതലായി ബാധിച്ചത്. ഇപ്പോൾ പ്രധാന റോഡുകൾ തുറക്കുന്നതിനായുള്ള പണികൾ ആരംഭിച്ചിട്ടുണ്ടെന്നും, തകർന്ന പാതകൾ പുനർനിർമിച്ച് ഗതാഗതം പുനഃസ്ഥാപിക്കുമെന്നും അധികൃതർ വ്യക്തമാക്കി. ശനിയാഴ്ച അൽ ബാത്തിന ഗവർണറേറ്റിലെ നിരവധി വിലായത്തുകളിലും കനത്ത മഴ ലഭിച്ചിരുന്നു.

Heavy rainfall in Musandam Governorate's Liwa region caused severe flooding, damaging roads and homes. Key areas like Al Khab, Al Aqoub, and Al Khaseeb were affected. Authorities are working to restore traffic flow. #OmanFloods