കോഴിക്കോട്: പാർട്ടി നേതാക്കളുടെയും പ്രവർത്തകരുടെയും സാന്നിധ്യത്തിൽ പൊലിസ് ഇൻസ്‌പെക്ടറുടെ ജന്മദിനം സ്റ്റേഷനിൽ വെച്ച് ആഘോഷിച്ചത് വിവാദമാകുന്നു. കൊടുവള്ളി സ്റ്റേഷൻ ഇൻസ്പെക്ടർ കെ.പി.അഭിലാഷിന്റെ ജന്മദിനമാണ് ആഘോഷിച്ചത്. ആഘോഷത്തിന്റെ റീൽസ് ദൃശ്യങ്ങൾ പുറത്തുവന്നതിന് പിന്നാലെ ഇൻസ്പെക്ടർക്കെതിരെ സംഭവത്തിൽ ഉന്നത ഉദ്യോഗസ്ഥർക്ക് റിപ്പോർട്ട് നൽകിയിട്ടുണ്ട്. താമരശ്ശേരി ഡിവൈഎസ്പിയാണ് വിവാദ ജന്മദിനാഘോഷം റിപ്പോർട്ട് ചെയ്തത്. 

കോൺഗ്രസ്, യൂത്ത് കോൺഗ്രസ് നേതാക്കളുടെയും പ്രവർത്തകരുടെയും നേതൃത്വത്തിലാണ് കൊടുവള്ളി പൊലിസ് സ്റ്റേഷനിൽ വെച്ച് കേക്ക് മുറിച്ച് പിറന്നാൾ ആഘോഷം നടത്തിലായത്. കൊടുവള്ളി സൗത്ത് മണ്ഡലം പ്രസിഡന്റിന്റെയും, യൂത്ത് കോൺഗ്രസ് മണ്ഡലം പ്രസിഡന്റിന്റെയും നേതൃത്വത്തിൽ നടന്ന പരിപാടിയുടെ ദൃശ്യങ്ങൾ കോൺഗ്രസ് നേതാക്കളുടേത് ഉൾപ്പെടെ സോഷ്യൽ മീഡിയ ഹാൻഡിലുകളിൽ പങ്കുവെച്ചിരുന്നു. ‘ഹാപ്പി ബർത്ത് ഡേ ബോസ്’ എന്ന വാചകത്തോടെയാണ് പോസ്റ്റ് പലയിടത്തും പ്രത്യക്ഷപ്പെട്ടത്.

ALSO READ: ജോലിക്ക് കയറിയിട്ട് ദിവസങ്ങള്‍ മാത്രം; പാലക്കാട് പൊലിസ് ഉദ്യോഗസ്ഥന്‍ ട്രെയിനിടിച്ചു മരിച്ച നിലയില്‍

മേയ് 30നാണ് വിഡിയോ പോസ്റ്റ് ചെയ്തിരിക്കുന്നത്. അതേസമയം, താമരശ്ശേരി ഡിവൈഎസ്പി ഉന്നത ഉദ്യോഗസ്ഥർക്ക് നൽകിയ റിപ്പോർട്ടിന്റെ അടിസ്ഥാനത്തിൽ ഇൻസ്പെക്ടർ കെ.പി.അഭിലാഷിനെതിരെ നടപടി ഉണ്ടാകുമെന്നാണ് സൂചന.

A police inspector's birthday celebration inside a police station, in the presence of congress party leaders and party workers, has sparked controversy in Kerala. The incident took place at the Koduvally Police Station, where Inspector K.P. Abhilash's birthday was celebrated.