കോഴിക്കോട്: അറബിക്കടലിൽ ചരക്ക് കപ്പലിൽ ഉണ്ടായ തീപിടിത്തത്തെത്തുടർന്ന് കോഴിക്കോടടക്കം കേരള തീരപ്രദേശങ്ങളിൽ കനത്ത സുരക്ഷാ മുൻകരുതലുകൾ സ്വീകരിച്ചു. ജില്ലാ കലക്ടർ സ്നേഹിൽ കുമാർ സിംഗ് നൽകിയ നിർദ്ദേശപ്രകാരമാണ് എണ്ണ ചോർച്ചയും അപകടകാരികളായ വസ്തുക്കളുടെ തീരത്തടിയൽ സാധ്യതയും കണക്കിലെടുത്ത് നടപടികൾ ശക്തമാക്കിയിരിക്കുന്നത്.

അപകടം സംഭവിച്ചത്:

കൊളംബോയിൽ നിന്ന് മുംബൈയിലേക്കുള്ള യാത്രയ്ക്കിടെ സിംഗപ്പൂർ പതാകയുള്ള എംവി വാൻഹായി 503 എന്ന കപ്പലിലാണ് തീപിടിത്തമുണ്ടായത്. ബേപ്പൂർ തുറമുഖത്തിന് 76 നോട്ടിക്കൽ മൈൽ പടിഞ്ഞാറ് ഭാഗത്താണ് അപകടം നടന്നത്. കപ്പലിൽ 2,240 ടൺ ഇന്ധനവും നിരവധി അപകടസാധ്യതയുള്ള വസ്തുക്കളും ഉണ്ടായിരുന്നുവെന്നത് ആശങ്ക വർദ്ധിപ്പിക്കുന്നു.

കണ്ടെയ്നറുകളിൽ അപകടകാരികൾ:

കപ്പലിൽ 1,754 കണ്ടെയ്നറുകൾ ഉണ്ടായിരുന്നുവെന്നും അതിൽ 157 എണ്ണം അത്യന്തം അപകടകരമായ വസ്തുക്കൾ ഉൾക്കൊള്ളുന്നതായും കാർഗോ മാനിഫെസ്റ്റിൽ രേഖപ്പെടുത്തിയിട്ടുണ്ട്.

റെസിൻ സൊല്യൂഷൻ: 21,600 കിലോഗ്രാം

നൈട്രോസെല്ലുലോസ് അടക്കം പൊട്ടിത്തെറിച്ചേക്കാവുന്ന വസ്തുക്കൾ

ആസിഡുകൾ, ആൽക്കഹോൾ മിശ്രിതങ്ങൾ, കളനാശിനികൾ

2,000 ടൺ കപ്പൽ ഓയിൽ, 240 ടൺ ഡീസൽ

ശ്രദ്ധ കേന്ദ്രീകരിച്ച മേഖലകൾ:

കണ്ടെയ്നറുകൾ തെക്കൻ തീരങ്ങളിലേക്കാണ് നീങ്ങാനിടയുണ്ട് എന്നാണ് ദേശീയ സമുദ്രസ്ഥിതി ഗവേഷണ കേന്ദ്രം പുറത്തുവിട്ട വിലയിരുത്തൽ. കൊച്ചി, കോഴിക്കോട് തീരമേഖലകൾ പ്രത്യേകിച്ച് ശ്രദ്ധാപൂര്‍വം നിരീക്ഷിക്കുന്നതിനാണ് നിർദ്ദേശം.

പ്രതിരോധ ഒരുക്കങ്ങൾ:

പോല്യൂഷൻ റെസ്പോൺസ് ടീമിനെ സജ്ജമാക്കാൻ നിർദ്ദേശം

ആവശ്യമെങ്കിൽ തീരശുചീകരണത്തിന് ഏകോപനം ഉറപ്പാക്കും

അപകട സാധ്യതയ്ക്ക് പിന്നാലെ പരിസ്ഥിതിയെ സംരക്ഷിക്കാൻ എല്ലാ തലങ്ങളിലും നടപടികൾ ശക്തമാക്കിയിട്ടുണ്ടെന്ന് ജില്ലാ ഭരണകൂടം അറിയിച്ചു. കണ്ടെയ്നറുകൾ തീരത്ത് അടിയാൻ സാധ്യത മുന്നറിയിപ്പുളളത്തിനാൽ കരുതൽ ശക്തമാക്കിയിരിക്കുകയാണ്.

A fire broke out on the Singapore-flagged cargo ship MV Wan Hai 503 in the Arabian Sea, around 76 nautical miles off the Beypore coast. The vessel was en route from Colombo to Mumbai and was carrying 2,240 tons of fuel and 1,754 containers, including 157 hazardous materials like resins, acids, and explosives.In response, Kozhikode district authorities have issued alerts and deployed pollution response teams. There’s a potential risk of oil spill and containers washing ashore in southern Kerala. Environmental monitoring and coastal safety measures are underway.