നെയ്‌റോബി: ഖത്തറില്‍ നിന്ന് കെനിയയിലേക്ക് വിനോദയാത്ര പോയ ഇന്ത്യാക്കാരുടെ ബസ് മറിഞ്ഞുണ്ടായ അപകടത്തില്‍പ്പെട്ട് 5 മലയാളികള്‍ ഉള്‍പ്പെടെ ആറു പേര്‍ മരിച്ചു. പാലക്കാട് മണ്ണൂര്‍ സ്വദേശി റിയ, മകള്‍ ഡെയ്‌റ, തിരുവല്ല സ്വദേശി ഗീത ഷോജി, ജസ്‌ന കുറ്റിക്കോട്ടുചാലില്‍, റൂഫി എന്നിവരാണ് അപകടത്തില്‍ മരിച്ച മലയാളികള്‍. 

ALSO READ: ഖത്തറിൽ നിന്ന് കെനിയയിലേക്കു ടൂർ പോയ ഇന്ത്യക്കാരുടെ ബസ് അപകടത്തിൽപ്പെട്ടു; 6 മരണം, നിരവധി പേർക്ക് പരുക്ക്; മലയാളികളും ഉണ്ടെന്ന് സൂചന

ബസ് അപകടത്തില്‍ 20 പേര്‍ക്ക് പരുക്കേറ്റതായാണ് വിവരം. ഇവരില്‍ 5പേരുടം നില ഗുരുതരമാണ്. മരിച്ച റിയയുടെ ഭര്‍ത്താവ് ജോയലും മകന്‍ ട്രാവിസും പരുക്കേറ്റ് ചികിത്സയിലാണ്.  

കെനിയയിലെ ന്യാന്‍ഡറുവ പ്രവിശ്യയിലാണ് അപകടം നടന്നത്. പ്രദേശികസമയം തിങ്കളാഴ്ച വൈകുന്നേരം ആണ് സംഭവം. അപകടസമയത്ത് 28 വിനോദസഞ്ചാരികളും മൂന്ന് പ്രാദേശിക ഗൈഡുകളും ഒരു ഡ്രൈവറും ആണ് ബസിലുണ്ടായിരുന്നത്.

ന്യാന്‍ഡാരുവ കൗണ്ടിയിലെ ഓള്‍ ജോറോറോക്ക്‌നകുരു റോഡില്‍ ഗിച്ചാക്കയില്‍ വെച്ച് ബസ് കുഴിയിലേക്ക് മറിയുകയായിരുന്നുവെന്നു പൊലിസ് വക്താവ് മൈക്കല്‍ മുചിരി പറഞ്ഞു. ന്യാഹുരുരുവിലെ പനാരി റിസോര്‍ട്ടിലേക്ക് പോകുകയായിരുന്നു സംഘം. മലകളും കുന്നുകളുമുള്ള ഈ ഭാഗത്ത് കുത്തനെയുള്ള റോഡില്‍ വളവ് തിരിയുന്നതിനിടെ ഡ്രൈവര്‍ക്ക് നിയന്ത്രണം നഷ്ടപ്പെട്ടതിനെ തുടര്‍ന്നാണ് അപകടം ഉണ്ടായത്.

A devastating bus accident in Kenya’s Nyandarua region claimed the lives of five Malayalis among a group of 28 Indian tourists from Qatar on June 9, 2025. The bus, carrying 32 people, overturned on a rain-soaked road, killing six, including a child. Learn more about the victims and the Indian Embassy’s response