ദുബൈ: കോടിക്കണക്കിന് ഉപയോക്താക്കളെ വലച്ച് ഐഐ ചാറ്റ്‌ബോട്ടായ ചാറ്റ്ജിപിടി. യുഎഇ ഉള്‍പ്പെടെ ലോകത്തിന്റെ ഭാഗങ്ങളില്‍ ചാറ്റ്ജിപിടി പ്രവര്‍ത്തനരഹിതമായി. നിരവധി ഉപയോക്താക്കളാണ് ചാറ്റ്ജിപിടി ഉപയോഗിക്കുന്നതിനിടെ തടസ്സം നേരിടുന്നെന്ന പരാതിയുമായി സോഷ്യല്‍ മീഡിയയില്‍ പ്രതികരിച്ചത്. ചിലര്‍ക്ക് 'നിങ്ങളുടെ നെറ്റ് വര്‍ക്ക് ശരിയല്ല' എന്നും മറ്റു പലര്‍ക്കും 'എന്തോ പിശകുണ്ട്' എന്ന സന്ദേശവുമാണ് ലഭിച്ചത്.

ALSO READ: ദുബൈ മെട്രോ ബ്ലൂ ലൈനിലേക്ക് കൂടി വികസിക്കുന്നു; മറ്റ് മെട്രോകളെ വെല്ലുന്ന സൗകര്യങ്ങൾ, ഫീച്ചറുകൾ, കണക്റ്റിവിറ്റി | Dubai Blue Line

പ്ലാറ്റ്‌ഫോം 'നിലവില്‍ പ്രശ്‌നങ്ങള്‍ നേരിടുന്നുണ്ടെന്ന്' ചാറ്റ്ജിപിടിയുടെ മാതൃ കമ്പനിയായ ഓപ്പണ്‍എഐയും സ്ഥിരീകരിച്ചു.

'ലിസ്റ്റ് ചെയ്ത സേവനങ്ങളിലുടനീളം ചില ഉപയോക്താക്കള്‍ക്ക് തടസ്സം അനുഭവപ്പെടുന്നുണ്ട്. ഈ പ്രശ്‌നത്തെക്കുറിച്ച് ഞങ്ങള്‍ അന്വേഷിച്ചുകൊണ്ടിരിക്കുകയാണ്,' കമ്പനി പ്രസ്താവനയില്‍ പറഞ്ഞു.

ചാറ്റ്‌ബോട്ടിനെ മാത്രമല്ല, ഓപ്പണ്‍എഐയുടെ വീഡിയോ ജനറേഷന്‍ മോഡലായ സോറയെയും ഈ തടസ്സം ബാധിച്ചതായാണ് റിപ്പോര്‍ട്ടുകള്‍. നിരവധി ഉപകരണങ്ങളിലും ഓപ്പറേറ്റിംഗ് സിസ്റ്റങ്ങളിലും തകരാറുകള്‍ കടന്നുകൂടിയതായി കമ്പനി കൂട്ടിച്ചേര്‍ത്തു.

കഴിഞ്ഞ വര്‍ഷം ഡിസംബര്‍ മുതല്‍ ഫെബ്രുവരിയില്‍ ഓപ്പണ്‍എഐയുടെ പ്രതിവാര സജീവ ഉപയോക്താക്കളുടെ എണ്ണം 33 ശതമാനം ഉയര്‍ന്ന് 400 ദശലക്ഷമായി ഉയര്‍ന്നതായി കമ്പനി നേരത്തെ അറിയിച്ചിരുന്നു.

സാന്‍ ഫ്രാന്‍സിസ്‌കോ ആസ്ഥാനമായുള്ള കമ്പനി സെപ്റ്റംബര്‍ മുതല്‍ തങ്ങളുടെ എന്റര്‍പ്രൈസ് ഉപഭോക്തൃ അടിത്തറ ഇരട്ടിയായി വര്‍ധിപ്പിച്ചുവെന്നും ഇത് ബിസിനസ് മേഖലയിലുടനീളം എഐ ഉപകരണങ്ങള്‍ വേഗത്തില്‍ സ്വീകരിക്കപ്പെടുന്നതിനെ എടുത്തുകാണിക്കുന്നുവെന്നും റിപ്പോര്‍ട്ടുകള്‍ ഉണ്ട്. 

ഈ ആഴ്ച ആദ്യം ചാറ്റ്ജിപിടിയുടെ പണമടയ്ക്കുന്ന ബിസിനസ്സ് ഉപയോക്താക്കളുടെ എണ്ണം മൂന്ന് ദശലക്ഷമാണെന്ന് ഓപ്പണ്‍എഐ പറഞ്ഞിരുന്നു. ഇക്കഴിഞ്ഞ ഫെബ്രുവരിയില്‍ ഇത് വെറും രണ്ടു ലക്ഷമായിരുന്നു. 

ALSO READ: നഴ്‌സറി വിദ്യാര്‍ത്ഥികള്‍ക്ക് ആഴ്ചയില്‍ 4 മണിക്കൂര്‍ അറബിക് പഠനം നിര്‍ബന്ധമാക്കി അബൂദബി

കഴിഞ്ഞ വര്‍ഷം ഐഫോണ്‍ നിര്‍മ്മാതാക്കളായ ആപ്പിളുമായി ഓപ്പണ്‍എഐ ആദ്യമായി സഹകരിച്ചിരുന്നു. ഓപ്പണ്‍എഐയുമായുള്ള ബന്ധം ശക്തമാക്കുമെന്ന് ആപ്പിള്‍ ഇന്നലെ പ്രഖ്യാപിച്ചിരുന്നു. തിങ്കളാഴ്ച നടന്ന കമ്പനിയുടെ വേള്‍ഡ് വൈഡ് ഡെവലപ്പേഴ്‌സ് കോണ്‍ഫറന്‍സില്‍ ആപ്പിള്‍ നിരവധി AI പവര്‍ഡ് സവിശേഷതകള്‍ അവതരിപ്പിച്ചതിനു പിന്നാലെയായിരുന്നു നിര്‍ണായക പ്രഖ്യാപനം. 

A major OpenAI outage has left ChatGPT and Sora offline, frustrating users in the UAE and worldwide