നിലമ്പൂർ: നിലമ്പൂർ ഉപതിരഞ്ഞെടുപ്പിൽ എൽഡിഎഫ് സ്ഥാനാർഥി എം.സ്വരാജിന് പിന്തുണ പ്രഖ്യാപിച്ച് അഖില ഭാരത ഹിന്ദുമഹാസഭ. നിലമ്പൂരിൽ നടത്തിയ വാർത്താസമ്മേളനത്തിൽ വെച്ച്  അഖില ഭാരത ഹിന്ദുമഹാസഭയുടെ സംസ്ഥാന പ്രസിഡന്റ് സ്വാമി ദത്താത്രേയ സായി സ്വരൂപനാഥ് ആണ്  എൽഡിഎഫിനെ പിന്തുണക്കുന്ന കാര്യം വ്യക്തമാക്കിയത്.

നിലമ്പൂർ ഉപതെരഞ്ഞെടുപ്പിൽ ഉള്ള എൽഡിഎഫിന്റെ വിജയം കാലഘട്ടത്തിന്റെ ആവശ്യമെന്നും സ്വാമി ദത്താത്രേയ നിലമ്പൂരിൽ പറഞ്ഞു. കേരളത്തിൽ പിണറായി സർക്കാർ വികസനത്തിന്റെ തേരോട്ടം നടത്തുകയാണെന്നും അദ്ദേഹം കൂട്ടിച്ചേർത്തു. ഹിന്ദുമഹാസഭ മലപ്പുറം ജില്ലാ പ്രസിഡന്റ് പ്രകാശും വാർത്താസസമ്മേളനത്തിൽ ഉണ്ടായിരുന്നു.

ALSO READ: ജമാഅത്തെ ഇസ്‍ലാമി വർഗീയ പാർട്ടി; പിഡിപി പീഡിപ്പിക്കപ്പെട്ട പാർട്ടി; തെരഞ്ഞെടുപ്പ് പിന്തുണയെ വിമർശിച്ചും ന്യായീകരിച്ചും എം.വി ഗോവിന്ദൻ

അതേസമയം, നിലമ്പൂർ ഉപതെരഞ്ഞെടുപ്പിൽ എൽഡിഎഫിനുള്ള പിഡിപി പാർട്ടിയുടെ പിന്തുണയെ ന്യായീകരിച്ചും യുഡിഎഫിനുള്ള ജമാഅത്തെ ഇസ്‌ലാമി പിന്തുണയെ വിമർശിച്ചും സിപിഎം സംസ്ഥാന സെക്രട്ടറി എം.വി ഗോവിന്ദൻ രംഗത്തെത്തി. യുഡിഎഫ് വർഗീയ ശക്തികളുടെ കൂടാരമായി എന്നും എല്ലാ വർഗീയ ശക്തികളുമായി യുഡിഎഫ് കൂട്ടുചേർന്ന് മുന്നോട്ടുപോകുന്ന അവസ്ഥയാണ് ഉള്ളതെന്നും ഗോവിന്ദൻ പറഞ്ഞു. കഴിഞ്ഞ രണ്ട് ലോക്സഭാ തെരഞ്ഞെടുപ്പുകളിലും പാലക്കാട് ഉപതെരഞ്ഞെടുപ്പിലും ഇപ്പോൾ നിലമ്പൂരിലും ഈ കാഴ്ചയാണ് ഉള്ളതെന്നും ഗോവിന്ദൻ ആരോപിച്ചു. മഴവിൽ സഖ്യം ഇപ്പോഴും ശക്തിയായിത്തന്നെ നിൽക്കുകയാണെന്നും എം.വി ഗോവിന്ദൻ ആരോപിച്ചു.

പിഡിപിയും ജമാഅത്തെ ഇസ്‌ലാമിയും ഒരു പോലെയല്ല. അതിൽ ഒരു സംശയവും വേണ്ട. ജമാഅത്തെ ഇസ്‌ലാമി ലോകത്തെമ്പാടുമുള്ള വർഗീയ ശക്തിയാണ്. ഇസ്‌ലാമി രാഷ്ട്രം വേണമെന്ന് വാദിക്കുന്നവരാണ് അവർ എന്ന് ഗോവിന്ദൻ പറഞ്ഞു. എന്നാൽ ജമാഅത്തെ ഇസ്‍ലാമിയുടെ നിലപാടല്ല പിഡിപിക്കുള്ളത്. കേരളത്തെ സംബന്ധിച്ച് പിഡിപി പീഡിപ്പിക്കപ്പെട്ട ഒരു വിഭാഗമാണ് എന്നും അദ്ദേഹം കൂട്ടിച്ചേർത്തു.

കഴിഞ്ഞദിവസമാണ് പിഡിപി നിലമ്പൂരിലെ എൽഡിഎഫ് സ്ഥാനാർത്ഥി സ്വരാജിനും ജമാഅത്തെ ഇസ്‍ലാമി യുഡിഎഫ് സ്ഥാനാർഥി ആര്യാടൻ ഷൗക്കത്തിനും പിന്തുണ പ്രഖ്യാപിച്ചത്. ജമാമത്തെ ഇസ്‌ലാമിയുടെ രാഷ്ട്രീയ സംഘടനയായ വെൽഫെയർ പാർട്ടിയാണ് പിന്തുണ അറിയിച്ചത്. 

In a surprising political development, the Akhila Bharatiya Hindu Mahasabha has announced its support for LDF candidate M. Swaraj in the Nilambur by-election. The declaration was made during a press conference held in Nilambur. Swami Dattatreya Sai Swaroopanath, the state president of the Hindu Mahasabha, publicly stated the organization's decision to back the LDF in the upcoming poll.