റിയാദ്: നാല് ജിസിസി രാജ്യങ്ങലിലെ പൗരന്മാര്‍ക്ക് വിസ ഫ്രീ എന്‍ട്രി സൗകര്യവുമായി ചൈന. സഊദി അറേബ്യ, ഒമാന്‍, കുവൈത്ത്, ബഹ്‌റൈന്‍ എന്നീ രാജ്യങ്ങളിലെ പൗരന്മാര്‍ക്കാണ് ചൈന വിസ രഹിത പ്രവേശനം അനുവദിച്ചത്. 2025 ജൂണ്‍ 9 മുതല്‍ നയം പ്രാബല്യത്തില്‍ വരുമെന്ന് അധികൃതര്‍ നേരത്തേ അറിയിച്ചിരുന്നു.

ALSO READ: ഉംറ വിസ നാളെ മുതല്‍ അനുവദിച്ചു തുടങ്ങും; ബുധനാഴ്ച മുതല്‍ ഉംറ നിര്‍വഹിക്കാം 

ജിസിസി മേഖലയുമായുള്ള ചൈനയുടെ ബന്ധം കൂടുതല്‍ ആഴത്തിലാക്കുന്നതില്‍ ഒരു സുപ്രധാന ചുവടുവയ്പ്പായി വിസാ ഇളവ് മാറുമെന്നാണ് ചൈനീസ് സര്‍ക്കാര്‍ കണക്കുകൂട്ടുന്നത്. 2026 ജൂണ്‍ 8 വരെ ഒരു വര്‍ഷത്തേക്ക് വിസ ഇളവ് പ്രാബല്യത്തില്‍ ഉണ്ടാകും.

വിസ രഹിത നയം ഈ രാജ്യങ്ങളിലെ പൗരന്മാരെ ബിസിനസ്, ടൂറിസം, കുടുംബ സന്ദര്‍ശനങ്ങള്‍, സാംസ്‌കാരിക വിനിമയങ്ങള്‍ എന്നിവയ്ക്കായി വിസയില്ലാതെ 30 ദിവസം ചൈനയില്‍ തങ്ങാന്‍ അനുവദിക്കുന്നു.

യുഎഇ, ഖത്തര്‍ എന്നീ രാജ്യങ്ങളില്‍ നിന്നുള്ള പൗരന്മാര്‍ക്ക് എളുപ്പത്തില്‍ ചൈനയിലേക്ക് പ്രവേശനം ലഭിക്കുന്ന ഈ സംവിധാനം 2018 മുതല്‍ തന്നെ നിലവിലുണ്ട്. 

ഇതോടെ നാല് ജിസിസി രാജ്യങ്ങളില്‍ നിന്നുള്ള പൗരന്മാര്‍ക്ക് കൂട് ഇപ്പോള്‍ ചൈനയിലേക്ക് വിസയില്ലാതെ യാത്ര ചെയ്യാന്‍ കഴിയും. ടൂറിസം, ബിസിനസ്സ്, സാംസ്‌കാരിക ബന്ധങ്ങള്‍ കൂടുതല്‍ ശക്തമാക്കാന്‍ ഈ നയം സഹായിക്കുമെന്നാണ് പ്രതീക്ഷിക്കുന്നത്.

ALSO READ: ഇന്ത്യക്കാർക്ക് സഊദിയിലേക്ക് യാത്രാ വിലക്ക് ഉണ്ടോ? വാസ്തവം ഇതാണ് | Saudi Travel Ban to Indians

2026 ജൂണ്‍ 8 വരെ ഒരു വര്‍ഷത്തേക്ക് വിസ ഇളവ് പ്രാബല്യത്തില്‍ ഉണ്ടാകും. ആസിയാന്‍-ചൈന-ജിസിസി ഉച്ചകോടിക്കിടെ നടന്ന ചര്‍ച്ചകള്‍ക്ക് ശേഷമാണ് മെയ് 28ന് ചൈനയുടെ ഭാഗത്തു നിന്നും ഈ പ്രഖ്യാപനം ഉണ്ടായത്. മിഡില്‍ ഈസ്റ്റ് രാജ്യങ്ങളുമായുള്എള വിശാലമായ നയതന്ത്ര ബന്ധത്തിന്റെ ഭാഗമായി പ്രാദേശിക സഹകരണം വര്‍ധിപ്പിക്കുന്നതിന്റെയും യാത്രാ തടസ്സങ്ങള്‍ ലഘൂകരിക്കുന്നതിനുള്ള പദ്ധതികളുടെയും ഭാഗമാണ് നയ പ്രഖ്യാപനമെന്ന് ചൈന വിശദീകരിച്ചു.