കൊച്ചി: ചെറിയ പ്ലാസ്റ്റിക് കുടിവെള്ള കുപ്പികൾക്ക് ഹിൽ സ്റ്റേഷനുകളിലും വിവാഹ മണ്ഡപങ്ങളിലുമടക്കം നിരോധനം കർശനമായി നടപ്പാക്കുന്നത് സംബന്ധിച്ച് ചൊവ്വാഴ്ച ഉത്തരവിറക്കുമെന്ന് ഹൈക്കോടതി. ബ്രഹ്മപുരം മാലിന്യ പ്ലാന്റ് തീപ്പിടിത്തത്തിന്റെ പശ്ചാത്തലത്തിൽ സ്വമേധയാ എടുത്ത ഹരജിയാണ്  ജസ്റ്റിസ് ബെച്ചു കുര്യൻ തോമസ്, ജസ്റ്റിസ് പി. ഗോപിനാഥ് എന്നിവരുൾപ്പെട്ട ഡിവിഷൻബെഞ്ച് പരിഗണിക്കുന്നത്.  സർക്കാർ പരിപാടികളിലടക്കം അരലിറ്ററിൽ താഴെയുള്ള കുടിവെള്ളക്കുപ്പികൾ കുമിഞ്ഞു കൂടുന്നതിനെ കോടതി ഗൗരവമേറിയ പ്രശ്നമായാണ് കാണുന്നത്. ഓഡിറ്റോറിയങ്ങളുടെ ലൈസൻസ് എഗ്രിമെന്റിൽ നിബന്ധനകൾ വയ്ക്കണമെന്ന നിർദേശവും പരിഗണനയിലുണ്ട്. നിരോധനം സംബന്ധിച്ചും അത് കർശനമായി നടപ്പാക്കുന്നത് സംബന്ധിച്ചും തിങ്കളാഴ്ചയ്ക്കകം ചർച്ചചെയ്ത് നിർദേശങ്ങൾ സമർപ്പിക്കാൻ സർക്കാരിനോടും മലിനീകരണ നിയന്ത്രണബോർഡിനോടും അമിക്കസ് ക്യൂറിയോടും കോടതി നിർദേശിച്ചു. ജലാശയങ്ങളിലേക്കും മറ്റും മദ്യക്കുപ്പികളും വ്യാപകമായി വലിച്ചെറിയുന്നുണ്ടെന്ന് കോടതി ചൂണ്ടിക്കാട്ടി. കാലിക്കുപ്പികൾ ചെറിയ നിരക്കിൽ സംഭരിച്ച് റീസൈക്കിൾ ചെയ്യാൻ ബിവറേജസ് കോർപ്പറേഷൻ പദ്ധതി തയാറാക്കുന്നത് ഉചിതമായിരിക്കുമെന്നും കോടതി വ്യക്തമാക്കി.

The Kerala High Court is set to impose a strict ban on small plastic water bottles (under 500ml) in an effort to reduce plastic waste. The official order will be released this Tuesday, marking a major step toward environmental conservation. Stay updated on the implementation and alternatives. #GoGreen #PlasticFreeKerala